Unión Africana
De Uiquipedia
La Unión Africana (UA), ye la organización supranacional del ámbetu africanu dedicada a xorrecer la integración económica y política y a encontar la cooperación ente los sos estaos miembros. La UA ñació en marzu de 2001, data en que se robló'l pautu de Syrte na ciudá homónima de Libia reemplazando a la Organización pa la Unidá Africana. La UA ta inspirada na Xunión Europea.
Marruecos ye l'únicu país del continente que se caltien fuera de la UA, dada la reconocencia por parte del bloque de la independencia de l'antigua colonia española de Sahara Occidental, a la qu'esti país árabe vindica como parte del so territoriu.
La xunta añal de la UA decidió en xunetu de 2004 que los idiomes oficiales d'esti bloque de 53 países sedríen l'árabe, el francés, l'inglés, el kisuahili y el portugués.
Tabla de conteníos |
[editar] Fundación de la UA
La Unión Africana ye l'heriede de dellos intentos previos de xunir políticamente al continente, como la Xunión d'Estaos Africanos creyada por Kwame Nkrumah, la Organización pa la Unidá Africana (OUA) de 1963, o la Comunidá Económica Africana fundada en 1981.
La idega de creyar la UA foi rellanzada por dellos xefes de estáu y de gobiernu na declaración de Sirte, el 9 de setiembre de 1999. A dicha declaración siguieron-y una riestra de xuntes en Lomé (2000) u se redautó l'acta constritutiva de la UA; y en Lusaka (2001) u s'aprebó'l plan pa la instauración de la Unión.
Nel acta constitutiva facíase un llamamientu a la diáspora africana a implicase activamente nel desendolcu de la Unión.
La Unión Africana foi naugurada formalmente en Durban el 9 de xunetu de 2002 pol so primer presidente, el sudafricanu Thabo Mbeki.
A dellos críticos esmoleció-yos la poca implicación de la UA a la hora de protexer los drechos de los sos ciudadanos frente a los sos propios dirixentes, polo que n'ocasiones refiriéronse a la organización como Clube pa Dictadores.
[editar] Organización de la UA
Los muérganos cimeros son:
- Asamblea
- Comité Executivu
- Comisión
- Comité de representantes permanentes
- Conseyu de Paz y Seguridá
- Parllamentu Panafricanu
- Conseyu Económicu y Social
- Corte de Xusticia
- Comites téunicos especializaos
- Instituciones financieres
[editar] Parllamentu Panafricanu
La nauguración del parllamentu panafricanu, con sé en Johannesburgo, foi'l 16 de setiembre de 2004.
Nos sos primeros cinco años d'esistencia, el Parllamentu Panafricanu, integráu fasta agora por 265 integrantes de 46 países de la UA, sedrá un muérganu consultivu y asesor. Pero en 2009, asumirá la fonción d'aprebar lleis.
[editar] Estaos miembros
 |
Unión Africana (UA) |
| Angola | Arxelia | Benín | Botsuana | Burkina Faso | Camerún | Cabu Verde | Chad | Comoras | República del Congo | República Democrática del Congo | Costa de Marfil | Djibouti | Exipto | Eritrea | Etiopía | Gabón | Gambia | Ghana | Guinea-Bissáu | Guinea Ecuatorial | Keña | Lesotho | Liberia | Libia | Madagascar | Malaui | Malí | Mauriciu | Mauritania | Mozambique | Namibia | Níxer | Nixeria | República Centroafricana | Ruanda | Sahara Occidental | Santo Tomé y Príncipe | Senegal | Islles Seychelles | Sierra Leona | Somalia | Sudáfrica | Sudán | Suazilandia | Tanzania | Togo | Túnez | Uganda | Zambia | Zimbaue |
