Unidá Rexonalista
De Uiquipedia
La Unidá Rexonalista (UR) foi una coalición asturiana de partíos y independientes d'izquierda. Tuvo el so orixe na "Comisión Gestora para una Candidatura Unitaria, Democrática y Regionalista" d'entamos de 1977.
Formaben esta comisión d'entamu: el Bloque Asturiano de Izquierda(BAI) que yera una plataforma d'estrema izquierda lliderada pol Movimientu Comunista d'Asturies y el Partido Socialista Popular de Asturias (PSPA) de calter socialista, reformista y más moderáu. Los oríxenes del PSPA apunten en cierta manera a Democracia Socialista Asturiana de Pedro da Silva. El PSPA dexará les negociaciones dempués de participar tiempu abondo nelles dexando a BAI y a los promotores independientes ente ellos Xosé Lluis García Arias fundador de Conceyu Bable (Xuan Xosé Sánchez Vicente, otru de los fundadores, yera dirixente del PSPA).
Nes elleiciones nin UR nin el PSPA algamen representación. Unión Rexonalista tendría un 1,9% de votu y el PSPA 7,3%. Poco dempués de los comicios Unión Rexonalista desaparecerá y el PSPA enxertaríase nel PSOE.
Los tres primeros llugares na candidatura al Congresu de los Diputaos fueron los siguientes: Aida Fuentes Concheso, Antonio Massip Hidalgo y Manuel Hevia Carriles.
