Rəsul Quliyev
Vikipediya, açıq ensiklopediya - ویکیپدیا ، آچیق انسایکلوپدیا
Azərbaycan Parlamentinin sabiq sədri, Azərbaycan Demokrat partiyasının sədri, Azərbaycanda insan hüquqları və demokratiya uğrunda ardıcıl mübariz, Azərbaycan Respublikası prezedentliyinə potensial namizəd.
10 dekabr 1947-ci ildə Azərbaycan Respublikası Naxçıvan Muxtar Respublikasının Qazançı kəndində anadan olub. Orta məktəbi 1965-ci ildə bitirib.
1965-ci ildə Azərbaycan Neft və Kimya Institutunun Kimya-texnologiya fakultəsinə daxil olub, 1970-ci ildə ali məktəbi bitirərək, texnoloq-mühəndis ixtisasına yiyələnib.
1970-ci ildə əmək fəaliyyətinə Azərbaycanın Sumqayıt şəhərindəki Kimya Kombinatında başlayıb.
1971-ci ildən 1992-ci ilədək Bakı Neftayırma Zavodunda texnoloq, qurğu rəisi, mühəndis, baş mühəndis, direktor vəzifələrində işləyib. 1985-ci ildə Bakı şəhər xalq detutatları sovetinə deputat, 1990-cı ildə Azərbaycan Respublikasının Ali Sovetinə deputat seçilib.
7 dekabr 1992-ci il tarixdən Azərbaycan Respublikası Dövlət Neft Şirkətinin vitse-prezidenti - Neft və qaz emalı üzrə Baş Idarənin rəisi təyin edilib. 1993-cü ilin may ayından noyabr ayınadək Azərbaycan Respublikası Baş nazirinin müavini vəsifəsində çalışıb.
1993-cü ilin noyabrından 1995-ci ilin noyabrınadək Azərbaycan Respublikası Milli Məclisinin sədri işləyib.
1995-ci ildə yenidən Milli Məclisin üzvü və Azərbaycan parlamentinin sədri seçilib.
1996-cı il sentyabrın 11-də parlamentin sədri vəzifəsindən istefa verib.
Bir sıra ixtira və səmərələşdirici təkliflərin müəllifi, texnika elmləri namizədidir.
Xeyriyyəçilik fəaliyyətinə görə H.Z.Tağıyev adına Xeyriyyə Fondunun fəxri mükafatına layiq görülüb.
"Neft və siyasət", "Demokratiyaya doğru yol", "Mübarizəmizin məqsədi" kitablarının müəllifidir.
Iqtisadi-siyasi baxışlarına görə islahatçı-demokratdır. Demokratiya uğrunda H. Əliyev diktaturasına qarşı barışmaz mübarizə apardığına görə qanunsuz həbs və terrordan qorunmaq üçün 1996-cı ildən ABŞ-a mühacirət edib. .
Azərbaycanda köklü demokratik islahatların həyata keçirilməsi üçün tam fəaliyyət proqramına malikdir.
Dağlıq qarabağ probleminin həllində sülh danışıqları yoluna mütləq üstünlük verir.
Azad mətbuatın və azad sahibkarların hüquqlarının müdafiə tərəfdarıdır.
Idarəçilikdə realistdir.
Azərbaycanın xarici siyasət məsələlərinə praqmatik mövqedən yanaşır.
Azərbaycanın yaxın coğrafi qonşuları ilə və bütün dövlətlərlə faydalı əməkdaşlıq tərəfdarıdır.
Azərbaycanın daxili siyasətində demokratiyanı, xarici siyasətdə sülh və əməkdaşlığı prioritet sayır.
Azərbaycan iqtisadiyyatında xarici investisiyaların təminatlı iştirakını məqbul və zəruri hesab edir.
Beynəlxalq rəsmi siyasi dairələrdə keniş əlaqələrə malikdir.
Azərbaycanda sabit yüksələn reytinqi var.
Geniş sosial bazası əhalinin bütün təbəqələrini əhatə edir.
Azərbaycan üçün son otuz ildə ənənəvi olan korrupsiya, rüşvət, yerlibazlıq, klançılıq problemlərinə qarşı amansız və barışmazdır.
Azərbaycanın əksər siyasi partiyalarında, qeyri hökumət təşkilatlarında, dövlət məmurları arasında çoxlu tərəfdarları var.
Ailəlidir, üç övladı var.
