Portugal
Aus Wikipedia
 |
Der Artikl is im Dialekt „Obaboarisch“ gschriem worn. | |
| República Portuguesa Portugiesische Republik |
|||||
|---|---|---|---|---|---|
|
|||||
| Åmtsspråch | Portugiesisch | ||||
| Hauptstådt | Lissabon | ||||
| Stååtsform | Parlamentarische Republik | ||||
| Stååtsoberhaupt | Präsident Aníbal Cavaco Silva | ||||
| Ministerpräsident | José Sócrates | ||||
| Flächn | 92.345 km² (50. Plåtz) | ||||
| Oawohnerzåi | 10.543.290 (2006) (30. Plåtz) | ||||
| Bevölkerungsdichtn | 115 Eiwohner pro km² | ||||
| BIP | $17.456 pro Kopf | ||||
| Hymne | A Portuguesa | ||||
| Währung | Euro | ||||
| Zeitzona | UTC | ||||
| Kfz-Kennzeichen | P | ||||
| Internet-TLD | .pt | ||||
| Vorwåi | +351 | ||||
|
|||||
D'Republik Portugal is a Stååt im Siadwesen vo Europa. Des Lånd, wo zamma mit sein Nåchbarlånd Spanien d'iberische Håibinsel buidt, is seit 1986 Mitglied vo da europäischen Union. Da Name Portugal kimmt vo da Siedlung Cale im Norden, wo friara a wichtiger Hafen war. Drum ham d'Römer, wo Porugal a Teil vom römischen Reich gwen is, Portus Cale dazua gsågt. Da draus is später Portugal gworn, und aus der Siedlung d'Stådt Porto.
[dro wärkln] Geographie
As portugiesische Festlånd håt verschiedne Låndschåftsformen: im Norden is eher bergig und grea, då wåchsen a de meisten låndwirtschaftlichen Güter vom Lånd. im Winter ko's in de Berg recht koit wern. Nåch Siaden hin werds åiwei flåcher, hoaßer und trockner. Då håts dann eher Beim wia Eukalyptus oder Palmen, und s'kimmt im Sommer regelmassi zu Wåidbränd. Gånz im Siaden liagt d'Algarve, a beliebts Urlaubsgebiet.
Zum Stååt ghern a no mehrere Inseln im Atlantik: d'Azoren und Madeira. Auf de Azoren håts a an greßten Berg vo gånz Portugal, an Monte Pico (2.351 m).
[dro wärkln] Beväikerung
D'Oawohner vo Portugal han insgsåmt recht oaheitlich, bsunders wann ma's mit sein Nåchbarn Spanien vergleicht. D'ållergreßte Mehrheit is katholisch und spricht im Åidåg portugiesisch, bloß im Norden håt's a påår Derfer wo's an asturischen dialekt ren. Ausländer håt's a net so vui im Lånd (Portugal wår bis in'd Åchziger nei recht a arms Lånd), und de wo då han kumman zum Großteil eh aus ehemålige Kolonien (Brasilien, Kap Verde, Mosambik oder Angola), han a katholisch und ren gscheit portugiesisch.
Heitzdåg lem d'meisten Portugiesen in da Stådt, vor åim an da Kistn. as Hinterlånd is dageng det so dicht besiedelt. De greßten Städt (2006) han:
- Lissabon (508.209 Oawohner)
- Porto (246.264)
- Amadora (179.486)
- Braga (123.367)
- Setúbal (118.056)
- Coimbra (107.506)
- Queluz (107.328)
[dro wärkln] Politik
Seit da Revoulution vo 1974 is Portugal a parlamentarische Republik. Da offitielle Schef is da Präsident, wo ålle fimf Jåhr vom Voik direkt gwäit werd. Da Präsident håt a weng mehr zum sång wia in Deitschlånd oder in Esterreich, zum Beispui isa da oberste Kommandant vo da Armee. Da Schef vo da Regierung is åber da Ministerpräsident, der wiedeum vom Präsident ernånnt werd. Dea muaß åber mit de Mehrheitsveräitnisse im Parlament zammapassen, des wo da Präsident åber jederzeit auflösen ko.
As Parlament werd ålle vier Jahr im Verhäitniswahlrecht vom Volk gwäit. D'wichtigsen Partein han d'Sozialisten (PS) und d'Sozialdemokraten (PSD) (wobei nåch unsere Verhäitnis d'Sozialisten eher Sozaldemokraten und d'Sozialdemokraten eher konservativ/birgerlich han). Greane und Kommunisten håts a im Parlament.
D'Politische Gliederung is in Portugal a rechter Verhau: erst amåi is as Lånd in fimf Regionen am Festlånd und zwoa autonome Regionen (Azoren, Madeira) im Atlantik eiteilt. D'Regionen han selbst wieder in 28 Subregionen zerlegt. Danem gibts åber a a Eiteilung in 18 Distrikte, wo mit de Regionen net gscheit zammapassen. Und neilich håm's no a neie Gliederung mit siem Metropolregionen, zwöif Stadtkreise und vier Låndkreis eigführt.
