Wikipedia:Kannadig ar verourien
Diwar Wikipedia, an holloueziadur digor
Gant ar soñj lakaat ar gumuniezh da gompren ha da heuliañ gwelloc'h labour ar verourien eo bet krouet ar c'hannadig-mañ. Drezañ e c'hallo ar verourien reiñ keloù eus o labour p'o do c'hoant. Gallout a raint reiñ displegadurioù ha displegañ o c'hudennoù pe o zaolioù imor ivez. M'hoc'h eus kudenn pe gudenn pe c'hoant gouzout tra pe dra ent resis, trugarez da implijout pajenn gaozeal ar c'hannadig-mañ.
Taolenn |
Heuliadoù an dilennadeg
Da-heul an dilennadeg kentañ bet dalc'het etre dibenn Genver ha deroù C'hwevrer 2006 ma'z eus bet dilennet 3 merour eo bet digoret ar gwirioù merañ da :
gant ur Penn-bras.
Kroget ez eus bet da labourat diouzhtu ha gwellaennoù zo bet degaset en devezhioù tremenet.
Wikipedia:Pajennoù da nullañ
- Adlabouret ez eus bet war ar bajenn a-benn kinnig ur mont en-dro sklaer hag efedus.
- Kroget ez eus bet diouzhtu da skubañ un nebeud pajennoù kozh diezhomm, faziek, kamm, tort e doare pe zoare pe c'hoazh goullo. Ezhomm zo renabliñ ar patromoù, ar skeudennoù hag ar rummadoù diezhomm na servijont da bennad ebet.
Trugarez d'an holl da gemer ar boan da enskrivañ mat ar pennadoù da ziverkañ war Wikipedia:Pajennoù da nullañ.
Meur a zoare zo da gavout pajennoù da ziverkañ :
- Dre zegouezh (en ur glikañ war liammoù)
- en ur implijout ar pajennoù dibar (klikit war al liamm zo er marz kleiz) ; da skouer e c'haller klask e
- Rummadoù dizimplij (rummadoù bet krouet hep pennad ebet enno)
- Rummadoù hep rummadoù (rummadoù na gasont da neblec'h)
- Skeudennoù en o-unan (skeudennoù bet pellgarget na vezont implijet e pennad ebet)
Ur wech diverket ur pennad gant ur merour e vo renket el lec'h dleet gantañ hag implijet an arouez 
evit diskouez eo graet al labour goulennet.
Etrefas ar Wiki
Gwellaennoù zo bet degaset
- Graet ez eus bet ul lenn en-dro d'an holl venegoù evit lemel kuit ar vioù-koukoug hag ar fazioù tipo niverus a oa chomet.
- Klokaet eo bet an droidigezh ha kroget ez eus bet da dreiñ menegoù a oa chomet e saozneg. Un tamm brav a labour zo c'hoazh d'ober aze.
- Resisaet eo bet ster frazennoù zo.
- Gwellaet eo an droidigezh e meur a lec'h.
- Digammet ez eus bet un toullad menegoù chomet amsklaer.
Klokaat, gwellaat, bravaat
- Klokaet c'hoazh an droidigezh kalzik ha digammet frazennoù.
- Degaset liv er pajennoù evit dispartiañ seurtoù pajennoù disheñvel ar wiki evel er yezhoù all : pennadoù, pajennoù kaozeal, pajennoù dibar, pajennoù Wikipedia, pajennoù Skoazell...
- Ouzhpennet ur bloc'had kinnig sevel pajennoù nevez a zeu war wel pa vez kliket war ul liamm ruz pe ma vez graet gazek en ur goulenn Klask : Mediawiki:noarticletext
- Ouzhpennet arouezennoù dibar d'ar c'hembraeg (ŵ, ŷ) e bloc'had arouezennoù dibar ar prenestr skridaozañ --Fulup 23 C'hwe 2006 da 21:11 (UTC)
Taol-kurun disul (26 C'hwevrer 2006)
Ur pezh souezhadenn fall zo bet disul vintin a-boan dihunet ha luget an urzhiataer : divrezhonekaet ar wiki? salut fulup, n'oûn ket p'ra c'hoarvez hiziv met abaoe m'on luget eo deuet e saozneg adarre traoùigoù zo (my talk,, upload file, h.a.). ha gallout a ri mont da lakaat ur sell - n'oûn ket pelec'h emañ renket seurt traoù. trugarez dit --Neal 26 Feb 2006 da 09:50 (UTC)
-
- Ur spont ! Evit doare ez eus bet nevesaet kantadoù a gemennadennoù war un dro da 2 eur 39 er mintin-mañ gant ar reizhiad. Ret eo adober pep tra unan hag unan. Eurvezhioù labour ! N'ouzon ket petra zo kaoz, ne seblant ket bezañ c'hoarvezet gant yezhoù all. Marteze e oa koshoc'h hon etrefas deomp-ni ? Dre chañs n'eo ket aet kuit pep tra c'hoazh, gant ma ne c'hoarvezo ket en noz-mañ en-dro. --Fulup 26 Feb 2006 da 14:37 (UTC)
- Evit doare eo chomet ar c'hemmoù diwezhañ bet troet ganin nevez zo abaoe m'eus tapet ar statud merour. Moarvat peogwir e oa nevez ar c'hemennadennoù-se. Pebezh kaoc'h ! --Fulup 26 Feb 2006 da 14:39 (UTC)
- Setu, adlakaet em eus ar c'hemennadennoù a vez gwelet ar muiañ. Ranket em eus tremen ma endervezh war ar chanter brein-mañ. Gwiriet em eus an traoù war Meta. Nevesaet eo bet hon etrefas 5 sizhun zo ha cheñchet ez eus bet 1080 kemennadenn zo deuet en-dro e saozneg ! E-pad an noz eo bet hizivaet ar servijer ha pep tra zo bet cheñchet en un taol. Hir-daonet e vo adlakaat an traoù en o reizh. Me am boa troet an etrefas e-pad an hañv dre hanterouriezh ur paotr bennak eus SUA. Amzer kemer an traoù e kont gant ar servijer eo bet staliet deomp an etrefas nevez en diskar-amzer. Nevesaet ez eus bet ur bern traoù dibaoe met dre ma n'em boa ket gwirioù merañ ne oan ket evit heuliañ ar cheñchamantoù. Dre chañs c'hoazh emaomp o paouez dilenn hor merourien gentañ pe e vije bet ret gortoz mizioù en-dro a-benn adlakaat an traoù e brezhoneg. Pebezh lagenn me lâr dit --Fulup 26 Feb 2006 da 19:14 (UTC)
- ur mailh zo ac'hanout ken ma'z eus! ul labour ramzel (div wech ramzel e gwirionez!). trugarez vras da vezañ renket pep tra ha ken buan al - goût mat a ra pebezh torr-revr eo seurt labour. --Neal 26 Feb 2006 da 19:32 (UTC)
Mat goude an tamm barr-avel-mañ, emañ un tamm propoc'h an traoù fenoz met kemer a raio ur frapad amzer a-raok adkavout un endro brezhonek klok. A-benn ar fin eo bet dispartiet gant diorroerien ar Wiki kemennadennoù eus an droidigezh a oa bodet betek nevez zo en ur bloc'had treiñ hepken. Kement-se evit aesaat an eskemmoù etre ar wikioù evit ar servijerioù kreiz ma m'eus komprenet mat. Diwar-se ez eus bet adlakaet deomp un etrefas saoznek en emgefreek. Kement-se zo c'hoarvezet un un toullad yezhoù a-benn ar fin. Un dro gamm ma'z eus. Renket eo ar c'hudennoù deiziad a chome dec'h da noz, a gav din. Ar peurrest a glaskin adlakaat tamm-ha-tamm. --Fulup 27 C'hwe 2006 da 22:05 (UTC)
Prenestr kemmañ ar pajennoù
- Ouzhpennet ez eus bet ur bloc'had ennañ arouezennoù tipografek dibar evit ma vo aesoc'h hor wiki da embreger a-benn skrivañ termenoù estren.
Arouezennoù dibar : æ Æ à À â  ä Ä • ß · Č Ć Ç Š Ž č ć ç š ž · Ð ð đ Þ þ · € é É è È ê Ê ë Ë • Ā ā Ē ē Ī ī Ō ō Ū ū · Ǎ ǎ Ě ě ǐ Ǒ ǒ ǔ · ǖ ǘ ǚ ǜ · î Î ï Ï • ñ Ñ • œ Œ Ô ô Ö ö Ø ø Œ œ • Ù ù Û û Ü ü • ŵ Ŵ • Ý ý Ÿ ÿ Ŷ ŷ • "" {{}} [[]] “” • — – ’ | … ~ # @ ¹ ² ³ ⁴ ⁵ ⁶ ⁷ ⁸ ⁹ ⁰ ½
Diouzhtu e teuio war wel ar c'hemmoù lakaet ganeoc'h.
- Evit ober taolioù-esae, grit gant ar poull-traezh.
- Na chomit ket etre daou soñj evit krouiñ ha gwellaat pennadoù. Emañ ar gumuniezh en-dro deoc'h evit gwiriañ danvez ar pennadoù.
- Menegit an holl vammennoù er c'hemmoù lakaet ganeoc'h a-benn ma vo posupl gwiriañ ho labour.
- Sinit hoc'h evezhiadennoù war ar pajennoù kaozeal gant peder zildenn (~~~~).
Kemennadenn war an holl bajennoù
- Evel war wikioù all em eus ouzhpennet un nebeud devezhioù zo ur gemennadenn a zeu war wel bremañ war holl bajennoù ar wiki evit merkañ e teu ar pennadoù eus an holloueziadur digor Wikipedia.
Dizarbenn tagadennoù
- D'an 8 viz C'hwevrer eo bet taget hor wiki gant un implijer dianav en deus diverket ouzhpenn 30 pajennad skrid, en o zouez ar pajennoù skoazell hag ar bajenn degemer. Dre chañs eo bet merzet 7 munutenn hepken goude ma vije bet kroget an dagadenn ha gallet ez eus bet stankañ ar moned ouzh an istrogell fallakr-se. Da c'houde eo bet adsavet an holl bajennoù diverket evel ma oant a-raok.
--Fulup 11 C'hwe 2006 da 21:50 (UTC)
- Tagadenn all. Diverket eo bet ar bajenn degemer ha skrivet ez eus bet warni kunujennoù e galleg a-enep d'hor wiki ha d'hol labour a-berzh un difennour eus ar "gwir brezoneg" sañset. Aesoc'h eo plantañ reuz e galleg eget dont da skoazellañ ar re all e brezhoneg moarvat. Nag a gasoni ma doue ! --Fulup 21 C'hwe 2006 da 22:53 (UTC)
Bot kentañ
- Bot (diwar robot) a reer eus goulevioù stlenn a labour war ar wikioù a-benn sevel kefredioù zo en un doare emgefreek. A bep seurt botoù zo. Goulennet em eus digant Eskimo staliañ e vot Eskimbot war hor wiki evit sevel liammoù etrewiki. Labourat a raio ar bot evit ouzhpennañ liammoù en hor wiki a gas war-du yezhoù all.
- A BOUEZ : Evit ouzhpennañ liammoù war-du ar brezhoneg adal ar wikioù all eo ret e vije bet krouet da nebeutañ ul liamm war-du ar pennadoù e brezhoneg er wikioù all. Ouzhpennet e vo al liammoù all gant ar bot. --Fulup 24 Meu 2006 da 17:59 (UTC)
Keleier eus an etrefas ha raktresoù all
- Un hizivadenn vras hag hollek eus etrefas ar wiki zo bet graet hiziv. An holl raktresoù zo bet lakaet troidigezh o etrefas da glotañ an eil gant egile. Kalz dale a oa betek-henn gant etrefas ar raktresoù all e-keñver hini Wikipedia. Ur bern traoù na oant ket troet war ar raktresoù all. Bremañ emañ troet an darn vrasañ eus ar menegoù e pep lec'h. Labourus eo bet met a-benn ar fin em eus gallet adpegañ er mekanik. Kendalc'het e vo da dreiñ an etrefas.
- Lañs zo bet roet da droidigezh lec'hienn Mediawiki, lec'hienn ofisiel diorren ar meziant Wiki.
- Mont a ra war-raok ar Wikeriadur a-drugarez da labour pennek Yun. Da vat eo loc'het ar raktres bremañ ha prop-tre eo gant e etrefas brezhonek nevez. Kit da welet me ho ped ha kemerit perzh ma c'hoarzh ouzhoc'h. Fulup 14 Gen 2007 da 19:18 (UTC)
- Setu, echuet em eus peurdreiñ 1500 neudennad an etrefas hiziv ! Nag un ebat ! Argaset eo bet an troiennoù saoznek, gwellaet eo bet an troidigezhioù e meur a lec'h; klasket em eus eeunaat ar yezh hag unvaniñ an dibab termenoù (lec'h zo c'hoazh da wellaat). Goulennet em eus ouzh an diorrourien nevesaat ar reizhiad hiziv. Dleout a rafe ar stumm nevez dont war wel en devezhioù o tont. Nevesaet e vo an etrefas en holl raktresoù war un dro. Bremañ e chom da welet penaos degas war hor wiki dibarzhioù zo war ar wikioù bras all ha na zeuer ket a-benn da lakaat war wel amañ (lañserioù disachañ a ginnig lizherennegoù diouzhtu er prenestr skridaozañ, da skouer). Fulup 24 Gen 2007 da 21:41 (UTC)
Gwiskadur ar wiki
Kemmet em eus gwiskadur ar wiki (enborzhiet diwar an hini e saosneg) evit gellout sevel patromoù en un doare aesoc'h: amañ. E saosneg eo pep tra evit ar mare. Met diwall da chom hep treiñ an traoù n'int ket displegadennoù hep efed, mod all ne yo ket en dro ken lodennoù bras eus ar wikipedia (hag ar patromoù da skouer ;-): d'am soñj eo gwelloc'h derc'hel ar yezh informatek e saosneg dre ma chom kuzh, hag e vije luzhiet tre lakaat pep tra e brezhoneg... Benoni 30 Gen 2007 da 14:47 (UTC)
Implijerien faos
Implijerien faos
Kalz tud a c'hoari krouiñ ur c'hont war ar wikipedia brezhoneg just 'vit ober un dastumadeg kontoù, met hep kemer perzh gwech ebet: ne ouezont ket brezhoneg zoken. An hini diwezhañ : Implijer:Scooter. Daoust hag e vez dalc'het seurt kontoù faos? Pe daoust hag-eñ ne vije ket gwelloc'h o diverkañ?Benoni 3 C'hwe 2007 da 18:39 (UTC)
- N'ouzon ket. Evidon-me, e-keit ha ma ne blantont ket reuz, n'on ket gwall chalet. Petra a vez graet er wikioù all? Fulup 3 C'hwe 2007 da 21:13 (UTC)
- Ya, moarvat emañ ar gwir ganit...Benoni 3 C'hwe 2007 da 23:20 (UTC)
-
- Ya, a-du gant Fulup. Chalet n'on ket re gante, met souezhet ne lâran ket. Ne gomprenan ket perak e fellfe da unan bennak "dastum" seurt kontoù gant an aezet m'emañ hen ober. M'añfin, keit ha ma ne vez ket jeu gante e vefe gwell leuskel anezhe e peoc'h d'am soñj. Ouzhpenn-se, n'eus ket, me gav din, reolenn resis ebet o tennañ d'ar fed ma rankfe un implijer/ez gallout kompren brezhoneg d'an nebeutañ evit gallout sevel ur gont. Ret eo anzav ivez ez eus un nebeudig implijerion/ezed divrezhoneger bet krouet ur gont gante amañ evit gallout reiñ un tammig sikour gant troùigoù zo p'am bez soñj mat. Setu, a-du ganeoc'h-c'hwi ho-taou: diouzh un tu ne gavan ket reizh sevel kontoù toull a-seurt-se, ha diouzh an tu all avat ne welan ket perak o lemel kuit pe o stankañ keit ha ma chomfent sioul. Chaletoc'h e vezan me gant an dud hag a c'houlenn (e saozneg peurliesañ) bezañ troet ur pennad diwar-bnn o skol en ur gêriadennig e Pologn me me 'oar me, met un afer all an hini eo hennezh mac'hat.
