Pitagoras

Diwar Wikipedia, an holloueziadur digor

Ur prederour hag ur matematikour henc'hresian eo bet Pitagoras (gresianeg : ). Ne anavezer ket mat e vuhez nemet e oa ganet er VIvet kantved kent Jezuz-Krist. War a seblant e oa genidik eus enezenn Samos, met aet e oa da Su Italia goude, e Krotonos, un drevadenn c'hresian. Eno e kelenne e skiant hag e breder da strolladigoù tud. Liammet e oa ar matematikoù hag ar vuhezegezh ken e prezegenne un doare-bevañ simpl ha kredennoù kevrinour diwar tremen an eneoù goude ar marv (ar metempsikosis).
Hervezañ e vez staget un niverenn da bep tra ha graet eo ar sonerezh diwar perzhioù an niverennoù. Tad an niverouriezh eo.

[kemmañ] Dizoloadennoù ar bitagorasidi

N'eo ket sur eo bet ijinet gant Pitagoras kement a zo bet lakaet dindan e anv. Kavet e voe diazez ar glevouriezh pa voe tennet frouezh eus e deorienn war uhelded ar sonioù.
Dastumet eo bet teoremoù Pitagoras gant ar matematikour Euklides tri c'hantved war-lerc'h ha n'ouzer ket ha diskoachet eo bet gantañ disoc'h an teorem war an tric'horn hirgarrezek. Implijet eo evit jediñ ar c'hostez hirañ, an ipotenuz, pa anavezer hirder an daou all.
Taolenn al lieskementadurioù, ar c'heitadoù aritmetik ha mentoniel, teorienn ar c'henfeurioù a zo bet lakaet dindan e anv ivez.

Da vezañ kendalc'het