Gütersloh

Oddi wrth Wicipedia, y gwyddoniadur rhydd.

Mae Gütersloh yn dref yn Nordrhein-Westfalen, un o Länder Gweriniaeth Ffederal yr Almaen. Gütersloh yw prifddinas Kreis Gütersloh.

Taflen Cynnwys 1 Diwydiannau sylweddol 2 Adloniant 3 Gefeilldrefi 4 Gwersyll Awyrlu Gütersloh 5 Gwersyll Gütersloh y Fyddin Brydeinig

[golygu] Diwydiannau sylweddol

Mae Gütersloh yn dref ddiwydiannol gyda chyflogwyr sylweddol megis Miele a Bertelsmann; tu mewn i'r gylchffordd yw canol y dref sy'n cynnwys amrywiaeth o siopau a siopau adrannol.

[golygu] Adloniant

Mae gan Gütersloh ddau barc: Parc Mohns sy'n cynnwys amffitheatr, pwll padlo a sawl iard chwarae, a pharc mwy, y Stadt Park ("parc y dref"), sy'n cynnwys llyn badau, gardd fotanegol a llawer o lwybrau wedi eu hymylu gyda choed aeddfed.

Mae gan y dref bedwar pwll nofio, gan gynnwys un o faint Olympaidd.

[golygu] Gefeilldrefi

Ffrainc - Châteauroux ers 1977 Lloegr - Broxtowe ers 1978 Gwlad Pwyl - Grudziądz ers 1989, a Sweden - Falun

[golygu] Gwersyll Awyrlu Gütersloh

Roedd gwersyll yr Awyrlu Brenhinol yn Gütersloh yn gartref tan gwymp Mur Berlin i Sgwadronau 3 a 4, a ddefnyddiai'r VTOL Harrier gyda chefnogaeth hofrenyddion Chinook Sgwadron 18 a hofrenyddion Puma Sgwadron 230. Roedd yno hefyd staff o Gatrawd yr Awyrlu Brenhinol a ddarparodd cefnogaeth taflegrau daear i awyren. Roedd RAF Gütersloh un o'r wersylloedd awyr NATO mwyaf dwyreiniol yn ystod y Rhyfel Oer.

Yn wreiddiol adeiladwyd y gwersyll awyr ar gyfer y Luftwaffe a ddefnyddiai Bomwyr Junkers yno. Caewyd RAF Gütersloh ym 1993.

[golygu] Gwersyll Gütersloh y Fyddin Brydeinig

Cymerodd y Fyddin Brydeinig dosodd ym 1993 a chafodd RAF Gütersloh ei ailenwi fel y Princess Royal Barracks, Gütersloh.