Llandrindod
Oddi wrth Wicipedia, y gwyddoniadur rhydd.
| Llandrindod Powys |
|
 |
Mae Llandrindod yn dref yn nghanolbarth Powys.
Fe dyfodd y dref yn y 19eg ganrif pryd gyrhaeddodd y rheilffordd, gan ddod â llawer o ymwelwyr i brofi'r dyfroedd arbennig o'r ffynhonnau sydd yn y dref.
Erbyn hyn mae Llandrindod yn gartref i Gyngor Sir Powys, sydd yn un o brif gyflogwyr y dref. Cynhelir nifer o gynadleddau yn y dref, gan bod cynifer o westau yn y dref ac hefyd Y Pafiliwn, adeilad mawr sy'n addas ar gyfer digwyddiadau eitha' mawr.
Mae Cwm Y Gof (Saesneg: 'Rock Park') yn barc pert rhwng y dref a'r Afon Ieithon. Yn y parc mae man yn uchel uwchben yr afon o'r enw Llam Y Cariadau (Saesneg: 'Lovers' Leap'). Yn ôl hen chwedl, oddi yno y neidiodd dau oedd yn gariadon cudd.
Mae gan Landrindod hefyd lyn adnabyddus gydag ynys bach yn ei ganol.
Cynhelir marchnad yn y dref bob dydd Gwener gerllaw yr orsaf drên. Ar ddydd Iau cynhelir marchnad ffermwyr yn Stryd Middleton ble gwerthir cynnyrch lleol. Ceir hefyd nifer o siopau bach annibynnol a dau archfarchnad yn y dref.
Mae gorsaf drên Llandrindod yn arhosfa ar Linell Calon Cymru, sy'n rhedeg o Abertawe i'r Amwythig.
Eginyn erthygl sydd uchod. Gallwch helpu Wicipedia drwy ychwanegu ato.
| Trefi a phentrefi Powys |
|
Aberhonddu | Crucywel | Y Drenewydd | Y Gelli Gandryll | Llanandras | Llandrindod | Llanfair-ym-Muallt | Llanfyllin | Llanidloes | Llanwrtyd | Machynlleth | Rhaeadr Gwy | Talgarth | Y Trallwng | Trefaldwyn | Trefyclawdd | Ystradgynlais |
