Blumenau
El Vikipedio
Blumenau estas urbo kaj municipo de la subŝtato Santa Catarina de Brazilo, borde de la rivero Itajaí-Açu. La municipo havas limojn kun Jaraguá do Sul, Pomerode, Indaial, Gaspar, Botuverá, Luís Alves kaj Guaramirim.
La urbo estis fondita en 1850 de Hermann Bruno Otto Blumenau kiu rivere alvenis en ŝipo kun 17 aliaj germanoj, dimanĉe la 2-an de septembro de 1850. Otto Blumenau dividis la teron al la kolonanoj, por ke ili konstruu domojn.
Hodiaŭ la municipo konservas kelkajn germanajn morojn, ĉefe propran germanan dialekton, parolata ĉefe en bienzonoj. Blumenau havas plurajn entreprenojn de la teksa industrio, kaj estas sidejo de la brazilaj industriaj kompanioj Hering, Karsten kaj Teka. Ankaŭ komputikaj firmaoj troviĝas en la urbo, kaj la bierfabriko Eisenbahn.
