Brazila Esperantista Junulara Organizo
El Vikipedio
Brazila Esperanta Junulara Organizo estas la organizaĵo kiu celas reprezenti la junulojn kaj ties agado en Brazilo. Ĝi estas asocio sendependa kaj estis fondita en 1967 en la urbo Santos Dumont, Minas-Ĝerajso, okaze de la 2a Brazila Seminario de Esperanto. Ĝi poste fariĝis landa sekcio de TEJO. Ĝi multfoje rolis gravan rolon por la movado brazila, kvankam ĝin trafis multaj krizoj dum tiuj pli ol 30 jaroj da ekzisto. Malgraŭ asocio sendependa, ĝi daŭrvivis ĝis nun apogata de la Brazila Esperanto-Ligo, de kiu ĝi oficiale fariĝis sekcio dum la 41-a Brazila Kongreso de Esperanto (2006). Ĝi publikigas la organon Momenton!.
[redaktu] Estraro (2006-2008)
Dum la 26-a Brazila Esperantista Junulara Kongreso en julio de (2006) samtempe kaj samloke kun la 41-a Brazila Kongreso de Esperanto, estis elektita la jena estraro:
- Prezidanto: Felipe de Oliveira Queiroz
- Sekretarino: Damiana Britto
- Kasistino: Rosa Maria Mattos
- 1-a fiska konsilanto: Rogener Pavinksi Barbosa
- 2-a fiska konsilanto: Ricardo Dias Almeida
- 3-a fiska konsilanto: Raoni Souza
- Vica fiska konsilantino: Fernanda Belo Gontijo
