Firmin Durieux
El Vikipedio
Firmin DURIEUX [dŭrjö], franco, instruisto, lernejestro. Naskiĝis en la 21-a de januaro 1857 en Bruille (apud Lillo). Interesiĝis ankaŭ pri pedagogio, stenografio, interhelpado. Esperantisto de 1898. Per senĉesa klopodo li sukcesis konvinki sian inspektoron kaj organizi instruadon de Esperanto ĉe unuagradaj lernejoj, kun ekzameno kaj diplomo. Tiu provo, kiu daŭris ses jarojn, ĝis la Unua mondmilito, kaj tre bone sukcesis (vidu Gautherot, "La question de la langue internacia") kredeble la plej grava iam farita, restas kiel valora pruvo de la profito, kiun povas alporti la enkonduko de Esperanto en la lernejojn. En 1907, Durieux fondis kun kolegoj la Internacian Asocion de Instruistoj kaj ĝian organon, la Internacian Pedagogian Revuon, kaj estis ilia sekretario. Multaj artikoloj en Esperantistaj gazetoj.
