Hamhungo
El Vikipedio
Hamhungo (koree 함흥시, prononco Hamhŭng) estas havena urbo en Norda Koreio kaj post la ĉefurbo Pjongjango la dua plej granda urbo de la lando. Komence de la jaro 2005, iom pli ol 559.000 enloĝantoj vivis en la urbo. Ĝi estas industria centro, trafika nodopunkto, kultura centro kaj havas universitaton, teatron kaj plurajn muzeojn.
Enhavo |
[redaktu] Geografio
La urbo situas ĉe la orienta borto de Norda Koreio ĉe la rivero Sonĉon. la geografiaj koordinatoj estas 39° 92 ' norde kaj 127° 54' oriente.
[redaktu] Historio
Hamhungo dum la Korea milito (1950-1953) detruiĝis je kvar kvinonoj fare de militaj aviadiloj de la usona armeo. Post la milito la urbo rekonstruiĝis kiel regiona industria centro. Inter 1954 kaj 1962 grupo da arkitektoj kaj inĝenieroj el la tiama komunisma parto de Germanio, GDR, grave kontribuis al tiu rekonstruo.
Inter la jaroj 1960 kaj 1967 Hamhungo estis urbo sub centra administrado de la ŝtata registaro. Ekde 1967 ĝi estas parto de la provinco Hamgyŏng-namdo kaj ties ĉefurbo.
[redaktu] Kulturo kaj vidindaĵoj
Interesaĵo en la nordo de la urbo estas la monteto Tonghung. Sur ĝi troviĝas pluraj historiaj pavilionoj. Unu el ili, la paviliono Kuĉon pinte de la monteto, datas el la dinastio Gorieo (918-1392).
Ĉe la historia urbomuro rande de la monteto Tonghung situas la halo Sonhŭa. Ĝi konstruiĝis dum la 15-a jarcento, meze de la dinastio Joseon (1392-1910).
La plaĝo de Hamhungo larĝas 25 kilometrojn kaj estas parto de ripoza parko de 300 hektaroj, sub kies plantoj eblas ripozi en ombro kaj kio ofertas eblecojn naĝi, sporti, kampadumi, trinki kaj manĝi en diversstilaj restoracioj.
[redaktu] Partnera urbo
Partnera urbo de Hamhungo estas
