Itô Eizô
El Vikipedio
Eizô ITÔ (naskiĝis 1903 - mortis la 28- an de februaro 1994 en Kameoka, Japanio) estis japana esperantisto.
En 1923 li eklernis Esperanton kaj aniĝis al Oomoto, en kies centra oficejo li eklaboris en 1925. Antaŭ la milito li gvidis plurajn E-kursojn, redaktis la Oomoto-revuon Verda Mondo kaj dum misia vojaĝo en 1932 kontaktis multajn e-istojn en Orienta Azio. Li funkciis de 1932 kiel sekretario, ekde 1948 kiel prezidanto, de Homama E-Asocio, kaj post 1967 prezidis ankaŭ ties posteulon, E-Propagandan Asocion de Oomoto. Li estris la Internacian E-Fakon de Oomoto ekde 1963. En 1959 li vojaĝis kiel Oomoto-delegito al la Varsovia UK, kaj faris poste 180 prelegojn en 150 eŭropaj kaj usonaj urboj. Ito kunverkis Kvindek jaroj de E-o en Oomoto (1968), tradukis Esplorado de vivĝojo de H. Deguĉi (1986) kaj japanigis Novelaro de majstro Korczak (1993). Li estis multjardeka membro kaj delegito de UEA.
