Jacobo Arbenz
El Vikipedio
Jacobo Arbenz Guzmán, svisdevena, nask. je la 14-a de septembro 1913, mort. je la 27-a de januaro 1971, estis Prezidanto demokrate elektita de Gvatemalo de 1951 ĝis 1954, kiam li estis forpelita de ŝtatrenverso aranĝita de la usonaj Sekretaj Servoj, kaj estis anstataŭita militista diktatoro Carlos Castillo Armas.
Estinte elektita la 15-an de marto 1951, Arbenz-a registaro efektivigis agran reformon cele dispartigi la neuzitan agron. La United Fruit Company (UFC), usona firmao, estis la plej granda terposedanto de la lando. La registaro eksproprietigis parton de la tero, kaj donis al la kompanio kompenson de 600.000 dolaroj, kiun la UFC konsideris nesufiĉa.
En 1952 estis leĝigita la Komunista partio de Gvatemalo, kiu havis rimarkindan influon en la kamparanaj organizoj. La UFC sukcesis konvinki la usonan registaron pri la supozata komunismemo de la registaro, kaj tiu ĉi ordonis la spionagentejon CIA, ke estu pretigita ŝtatrenverso por forigi la registaron.
Arbenz demisiis la 27-an de junio de 1954 kaj ekziliĝis, unue al Kubo kaj poste al Prago. Li forpasis en Meksiko en 1971.
