Kompanio kun limigita respondeco
El Vikipedio
Kompanio kun limigita respondeco (Klr) (mallongigo en aliaj lingvoj: germane GmbH, angle Ltd, hungare Kft, portugale Ltda) estas komerca asocio, apartenanta al kapitalaj asocioj. Ĝi estas jura persono, tiel ĝi povas respondeci antaŭ la juĝistaro. La fondon, funkcion, malfondon kaj aliajn priskribas lokaj, naciaj leĝoj. La limigita respondeco signifas, ke la anoj de la Klr respondecas nur ĝis valoro de la enportita kapitalo. Ili ne repondecas per propraj havaĵoj.
Enhavo |
[redaktu] Fondiĝo
Por la fondo de Klr, la ŝtato antaŭskribas kondiĉojn. Tiel la nominala kapitalo devas esti en Germanio min. 25.000 eŭroj (en Aŭstrio 35.000 eŭroj, en Hungario 3.000.000 forintoj ~12.400 eŭroj) kaj duono de tio oni devas kiel monon enpagi. La alia duono povas esti nemoveblaĵoj, moveblaĵoj (aŭto, komputilo), kiun oni transdonas, enportas kiel propran kapitalon al la Klr. La ŝtato povas antaŭskribi kondiĉojn pri minimuma aldono, partopreno de fondintoj, gvidonto. La gvidanto respondecas al la kaj ŝlin elektas, retiras la entreprena kunveno.
[redaktu] Funkcio
La Klr-oj funkcias laŭ la naciaj leĝoj, kiuj antaŭskribas la impostpagajn devojn kaj aliajn farendaĵojn de la Klr kaj aliaj entreprenaj tipoj.
[redaktu] Malfondo
Krom nesolventeco, Klr povas esti malfondata per entreprena decido. La malfondon oni povas anonci ĉe la konvenaj instancoj, kiuj laŭnecese nomumas likvidistojn al la firmao.
[redaktu] Organo
En la entreprena kunveno oni povas elekti kaj kontroli la gvidantaron. Ĉe voĉdono en la kunveno en Germanio, 1 voĉo validas je 50 Eŭra entreprena proporcio.
En Germanio, oni devas permesi la funkciadon de kontrolkonsilio en Klr, kie laboras pli ol 500 laboristoj (ĉe kelkaj malpezindustria sektoro jam ekde 100 dungitoj). En Aŭstrio oni devas formi kontrolkonsilion ekde la nominala kapitalo de 70.000 eŭroj aŭ ekde 300 laboristoj. Por la elekto kaj funkcio de la konsilio varias la leĝoj laŭ landoj, en ĝi partoprenas gvidantoj de Klr kaj reprezentantoj de la laboristaro. La kontrolkonsilio kontrolas la gvidantaron, sed – male al Akcia Kompanio (AK) – ne havas rajton forigi ilin.
[redaktu] Historio
La Klr-j estis fondeblaj post apero de la Klr-leĝo en Germanio la 20-an de aprilo en 1892. Post la enradikiĝo de tiu formo en Germanio, disvastiĝos la koncepto dismonde, unuafoje en Portugalio en 1917, poste en Brazilo en 1919, en Ĉilio en 1923, en Francio en 1925 kaj pliaj landoj.
En Japanio, ekde 1-a de majo 2006, oni ne povas fondi novan Klr-on pro abolicio de la Juro pri Klr. Ekzistintaj Klr-oj estis ŝanĝitaj aŭtomate al Esceptaj Kompanioj kun Limigita Respondeco (subklaso de Akcia Kompanio).
[redaktu] rete
[redaktu] Vidu ankaŭ jenon:
Kategorioj: Germanio | Negoco | Ekonomio
