Komunumo de Neagnoskitaj Ŝtatoj

El Vikipedio

Komunumo de Neagnoskitaj Ŝtatoj (ruse Содружество непризнанных государств, kies mallongigo СНГ koincidas kun la mallongigo de la Komunumo de Sendependaj Ŝtatoj, de kie ankaŭ la siglo СНГ-2) estas komunumo de kvar fakte sendependaj sed plu neagnoskitaj internacie ŝtatoj en la teritorio de eksa Sovetunio:

• Abĥazio;
• Ĉednestrio;
• Montara Karabaĥo;
• Sud-Osetio.

Ŝtatoj de la komunumo ekzistas jam dum pli ol 10 jaroj, havante ĉiujn specifaĵojn de sendependa ŝtato: armeon, policon, doganon ks. Okazas ankaŭ tiel, ke neagnoskita ŝtato iĝas multrilate pli sukcesa en konstruado de sia ŝtateco, ol la iama metropolio: ekz., en Sud-Osetio kaj Abĥazio, iamaj kartveliaj subŝtatoj, jam sukcese okazis ŝanĝo de prezidentoj sekve de tutpopola baloto, samtempe en Kartvelio mem jam dufoje okazis perfortaj depostenigoj de oficiale elektitaj prezidentoj.

Ĉi tiu artikolo pri "Komunumo de Neagnoskitaj Ŝtatoj" ankoraŭ estas ĝermo. Vi povas helpi pluredakti ĝin post klako al la butono «redaktu».
Se jam ekzistas alilingva samtema artikolo pli disvolvita, traduku kaj aldonu el ĝi.