Limassol
El Vikipedio
Limassol (greke Λεμεσός, Lemesós / turke Leymosun) havas 172.500 enloĝantojn (laŭ stato komenco de 2005) kaj per tiu nombro estas la dua plej granda urbo de la insulo Kipro en la mediteranea maro. Ĝi troviĝas ĉe la suda marbordo de la insulo kaj apartenas al la greklingva parto.
Post la divido de la insulo dum la jaro 1974 inter greka kaj turka partoj, la urbo ekonomie rapide kreskis kaj nun estas signifa financa centro, en kiu troviĝas multaj sidejoj de entreprenoj el aliaj eŭropaj ŝtatoj, kiuj pro impoŝtaj kialoj translokigis sian formalan sidejon al Kipro.
[redaktu] Turismo
Limassol altiras multajn turistojn, speciale somerajn feriantojn, kiuj ŝatas baniĝi kaj sunbruniĝi ĉeplaĝe. Ekzistas pluraj kvar-stelaj hoteloj kaj multaj pli modestaj. Preskaŭ la tuta marbordan zonon de la urbo ĝis tuj apud la sabla plaĝo okupas hoteloj. Sekve la plaĝo ĉe la urbocentro somere plenplenas je feriantoj. Iom pli trankvilaj plaĝoj troviĝas ĉe la proksima duoninsulo Akrotiri.
[redaktu] Partneraj urboj
Bergisch Gladbach, Germanio
Ĥajfo, Israelo- Niederkassel, Germanio
