Ŝablono:Lingvaĵo
El Vikipedio
- La ŝablono {{lingvaĵo}} indikas artikolon, aŭ parton de artikolo, lingvaĵe kontrolinda.
Se vi venis ĉi tien, ĵus klakinte al ligilo kiu aspektas ĉi tiel: L?, tio verŝajne signifas, ke oni antaŭe metis ĉi tiun ŝablonon en la paĝon kiun vi estis leganta.
[redaktu] Uzo
Se artikolo enhavas lingvaĵon pri kiu vi volas atentigi aliajn vikipediistojn — ekzemple, se vi celas priskribi ion sed vi ne certas pri la ĝusta vorto aŭ gramatiko por tion fari, aŭ se vi trovas ion ŝajne lingvaĵe suspektinda sed ne kapablas aŭ ne emas ripari ĝin mem — metu en la fontan vikitekston {{lingvajxo}}. Tio nur iom diskrete montriĝos en la artikolo mem (la ligilo L? ĉi tien), sed ĝi ankaŭ kategoriigos la artikolon en Kategorio:Artikoloj kun lingvaĵo kontrolinda, kie aliuloj povos pli facile trovi ĝin.
Se vi volas ankaŭ iom precizi pri la afero dubata, vi povas meti anstataŭe {{lingvajxo|klariga teksto}}. La klariga teksto funkcios kiel komento, neniel montriĝante en la artikolo, sed ĝi restos en la vikiteksto videbla de redaktontoj, ekzemple:
- Zamenhof mangxis pli ol leono. {{lingvajxo|cxu "leono" estu akuzativa?}}
aperos nur kiel:
- Zamenhof manĝis pli ol leono. L?
[redaktu] Tasko por lingvaj lertuloj
Bonvolu kontroladi la kategorion Kategorio:Artikoloj kun lingvaĵo kontrolinda por paĝoj tie listigitaj, kaj post korekti la lingvaĵojn (aŭ eventuale decidi ke la lingvaĵo ne bezonas korekton), nepre forigu la ŝablonon de la artikolo, por ke la kategorio ne plenpleniĝu je malaktualaj enhavigoj.
