Ranieri Mazzilli
El Vikipedio
Paschoal Ranieri MAZZILLI, du foje prezidanto de Brazilo, sed neniam "prezidento" de Brazilo, naskiĝis en Caconde, en la 27-a de aprilo de 1910 kaj mortis en San-Paŭlo en la 21-a de aprilo de 1975.
Li prezidis Brazilon du foje, unue post la rezigno de prezidento Jânio Quadros, ĉar la vic-prezidento João Goulart "vizitis" Ĉinion. Vere, vic-prezidento ne povis reveni al Brazilo por politika krizo. La militaj ministroj, generalo Odílio DENYS, aer-generalo Grün MOSS kaj admiralo Sílvio HECK intencis puĉi kontraŭ la vic-prezidento. Dum tiu periodo, Mazzilli prezidis la registaron kaj negociis la revenon de Goulart dum 14 tagoj, de la 25-a de aŭgusto ĝis la 8-a de septembro de 1961.
La dua periodo en ke li prezidis Brazilon, estis post la militista puĉo de 1964, kiam prezidis dum 13 tagoj de la 2-a de aprilo ĝis la 15-a de aprilo de 1964, kaj estis antastaŭigita de Marŝalo Castelo Branco. Dum tiu periodo, li estis laŭleĝa prezidanto, sed fakte ne regis. La registaro estis estrita de la "Supera Komando de la Revolucio", triunvirato de generalo Costa e Silva, admiralo Augusto Rademaker Grünewald kaj aer-generalo Francisco de Assis Correia de Melo.
