Shaw Island (Vaŝingtonio)
El Vikipedio
Shaw Island (aŭ Insulo Ŝava) estas, kaj laŭgrande kaj laŭ nombro de loĝantoj, la kvara insulo de la Sanjuana insularo. Ĝi estas la plej malgranda insulo servata de la vaŝingtonia ŝtata pramŝiparo. En Shaw mankas la turismaj rimedoj, kiuj popularigas la ceterajn grandajn insulojn sanjuanajn. De 1976 ĝis la mezo de 2004 la praman dokon kaj la solan vendejon prizorgis romkatolika monaĥinaro, la Franciskanaj Fratinoj de la Eŭĥaristio, sed en 2004 tiu ordeno forlasis la insulon, vendante siajn entreprenojn al loka familio. Du aliaj monaĥinaroj havas instalaĵojn en la insulo, nome la Ordeno de Benediktaninoj, kaj la Fratinoj de Mizerikordio.
