Universitato de Keio
El Vikipedio
La Universitato de Keio (Hepburn: Keiō gijuku daigaku [kejō giĵuku dajgaku] Kanĵie:慶應義塾大学; Angle: Keio University) estas la plej malnova kaj unu el la plej prestiĝaj universitatoj de Japanio. Ĝi estis fondita en 1858 fare de la fama edukisto kaj aŭtoro Fukuzawa Yukichi kiel privatlernejo por okcidentaj studoj. La unuaj fakultatoj ekfunkciis en 1890. Kvankam Keiō estis la unua progresema lernejo en Japanio, paliĝis ĝi baldaŭ apud la ŝtate apogita Universitato de Tokio. Tion kaŭzis eble la problemhava rilato de Fukuzawa Yukichi al la samurajoj, kiuj apogis tiutempe la Meiji-registaron. Keio konkuras nune kun Universitato de Waseda por la 2-a loko. Unu el famaj studentoj de Keio estas 87-a 88-a ĉefministro Koizumi Jun'ichiro. La ĉefa kampo troviĝas en Mita en Minato-kvartalo en la Tokia Metropolo. Aldone ekzistas la kampoj: Jagami-kampo kaj Hijoŝi-kampo en Hijoŝi en Kohoku-kvartalo en Jokohamo en la prefektujo Kanagaŭa, Ŝonan-Fuĵisaŭa-kampo en Fuĵisaŭa en la prefektujo Kanagaŭa, Ŝinanomaĉi-kampo en Ŝinĵuku-kvartalo en Tokia Metropolo, Ŝinkaŭasaki-Town-kampo en Saiŭai-kvartalo en Kaŭasaki, Curuoka-town-kampo en Curuoka en la prefektujo Jamagata, Marunouĉi-city-kampo en Ĉijoda-kvartalo kaj New York Keio.
