Viliam Búr
El Vikipedio
Viliam BÚR, nomata Vilo (naskiĝis la 1-an de marto 1976 en Komárno), estas slovaka esperantisto, unu el la aktivaj membroj de Slovakia Esperanta Junularo.
Ekde 1982 li vivas en Bratislavo, kie li studis informadikon, pedagogion kaj psiĥologion ĉe la Komenia Universitato kaj poste dum tri jaroj instruis kiel gimnazia instruisto. Nuntempe li laboras kiel programisto en kontraŭvirusila firmao. Viliam Búr estas ankaŭ fondinto de la slovaklingva versio de la Vikipedio kaj ĉefprogramisto de la DVD Esperanto Elektronike.
Li estas ankaŭ aktiva kiel verkisto de sciencfikcia literaturo. Aliaj liaj hobioj estas psiĥologio kaj homaj rajtoj. Lia esperanto-aktivado konsistas precipe el prelegoj ĉe konferencoj kaj seminarioj – li jam prelegis interalie ĉe IS, KAEST kaj kelkaj seminarioj de E@I kaj SKEJ. Li aparte famiĝis pro sia prelego pri internaciigo de komputilaj programoj.
[redaktu] Eksteraj ligiloj
- Persona retpaĝaro de Viliam Búr] (slovake)
- Blogo de Viliam Búr (slovake)
- Scienfikciaj verkoj de Viliam Búr (slovake)
- Mozaika rôznobežných ciest: libro verkita de Viliam Búr kadre de triopo TriÉder (slovake)
