Adolf Loos
Wikipedia(e)tik
Adolf Loos (Brno, 1870 abenduaren 10 − Kalksburg, 1933 abuztuaren 6) arkitekto austriarra zen. Garaiko modernistentzat erreferentea izan zen eta funtsezko arkitektoa izan zen mugimendu modernoaren hastapenerako. Arkitektura modernoaren eta arrazionalismo arkitektonikoaren abiatzaileetakoen artean nabarmendu zen, protomodernotzat eta protoarrazionalistatzat sailkatua da.
[aldatu] Biografia
Brno hirian jaio zen, egungo Txekiar Errepublikan 1870ean. Ikasketak Reichenbergen hasi zituen eta Dresdengo Politeknikoan amaitu zituen. Ondoren, hiru urte eman zituen AEBan (1893-1896). Chicagoko eskolako razionalismoaren eragina jaso zuen eta Art Nouveauren aurka jo zuen. Modernistekin hika-mikak izan zituen, eta bere kritikaren islada da 1908.ean idatzi zuen Ornament und Verbrechen (Apaindura eta delitoa) edo 1910.ean eraikitako Steiner Etxea Vienan. Lehenengo Mundu Gerra amaitu ostean, Vienako udal arkitekto izendatu zuten eta bi urtetan lan egin zuen (1920 - 1922 ). Lanaldi hartan arkitektura soziala sustatu zuen Hoff ereduko etxaldeen eraikuntza sustatuz. Garaiko abangoardia artistikoekin harremanak izan zituen Schonberg, Kokoschka eta Tristan Tzara. Bere obrak apaindura gabekoak eta arras abangoardistak ziren. Loosen ideia radikalek eragin handia izan zuten abangoardista garaikideen artean.
[aldatu] Lan garrantzitsuak
- 1899 : Cafe Museum, Viena
- 1903 : Villa Karma, Clarens,Suitza
- 1909 : Loos Etxea Michaelerplatzen, Viena
- 1910 : Steiner Etxea, Viena
- 1912 : Villa Scheu, Viena
- 1926 : Tristan Tzararen etxea, Paris
[aldatu] Idazki garrantzitsuenak
- 1897 : Nelle Freie Presse
- 1898 : Potemkin hiria
- 1903 : Das Andere
- 1908 : Ornament und Verbrechen
- 1910 : Architectur
