Espainiako Vuelta

Wikipedia(e)tik


Espainiako Vuelta
Bertako izena:	Vuelta Ciclista a España
Lekua:	Espainia
Data:	Iraila
Mota:	Itzuli Handia
Historia
Lehenengo Edizioa:	1935
Edizio kopurua:	59 (2005)
Lehenengo edizioko garailea:	Gustaaf Deloor, (Belgika)
Garaipen gehien:	Tony Rominger, (Suitza, Roberto Heras, (Espainia) 3 aldiz

Espainiako Vuelta Frantziako Tourrra eta Italiako Giroarekin batera itzuli handi bat da. Txirrindulariak hiru astez lehiatzen dira Irailean, Espainiako txoko gehienetan, baita Andorran ere.

[aldatu] Historia

Espainiako Vuelta 1935. urtean ospatu zen lehennego aldiz. Lehenengo ekitaldi honetan, 50 lasterkari lehiatu ziren 3411km-ko ibilbidea egiteko, 14 etapatan, batazbeste 240km baino gehiago egiteko bakoitzean. Tourra eta Giroaren arrakasta ikusita, Informaciones egunkari espainiarrak hitzuli handi bat antolatzea erabaki zuen Espainian. 1990 urterarte udaberrian ospatzen zen, baina geroztik Irailean ospatzen da. Vueltako azkenengo etapa, eta beraz vuelta osoaren amaiera, Madrilen egiten da, Paseo de la Castellana etorbidean.

1999 urtean Vueltak lehenengo aldiz igo zuen Angliru mendia Asturiasen, Europan aurki daitekeen mendi porturik gogorrenetakoa.

Sailkapen orokorreko liderrak urre koloreko maillot bat janzten du Maillot Oro izenekoa, beste sailkapen txikiagoek mendiko sariak bezala, ez du kolore finko bat eta noizbehinka aldatu egiten da.

Garaipen gehien dituen txirrindularia Tony Rominger Suitzarra da, 3 garaipenekin, garaipen kopuru berdinarekin Roberto Heras Espainiarra da, nahiz eta 4 ekitaldi irabazi zituen, 2005 eko vueltan deskalifikatua izan zen doping-aren aurkako kontrol batean positibo izan zelako. 58 ekitalditik (2005), Espainiarrek 26 alditan irabazi dute Vuelta.