Mac OS
Wikipedia(e)tik
Mac OS, (Macintosh Operating System), Apple Computer-rek Macintosh ordenagailuentzako lehenengo sistema eragileei eman zien izena da. Sistema hau izan zen interfaze grafikoa erabili zuen lehenengo sistema eragile komertzial arrakastatsua. Macintosh taldea, besteak beste, Bill Atkinson, Jef Raskin eta Andy Hertzfeld-ek osatzen zuten.
Ikuspuntu ugari daude Macintosh ordenagailuen sorreraren inguruan. Xerox PARC-en Alto proiektuak Macintoshen garapenean izandako eragina ukaezina bada ere, badira sarri aipatzen ez diren beste ekarpen asko, hala nola Ican Sutherland-en Sketchpad edota Doug Engelbart-en On-Line System. Applek nahita baztertu zuen sistema eragilearen presentzia Macintosharen hasierako urteetan. Alde batetik, erabiltzaileentzako itxura atseginagoa ematearren, eta bestetik, erabilgaitz eta primitibotzat jotzen zituen MS-DOS bezalako beste sistema batzuekiko aldea nabarmentzearren. Piztu bezain pronto lanerako prest zegoelako ospea eman nahi zion Applek Macintoshari.
