Vinars
De Vichipedie, la enciclopedie libare dute in marilenghe.
Vinars al è il dì de setemane che al seguìs la joibe e al è seguît de sabide; il non al ven dal latin Venĕris dies, che al vûl dî zornade di Venere. Par furlan al è di gjenar masculin.
I nons par inglês e intes lenghis de Scandinavie a vegnin dal diu nordic Frige. Vinars al è di solit l'ultime zornade di vore de setemane, e e je par chest celebrate cun tun sens di felicitât. Spes però vinars al è un dì che al puarte sfortune, in particolâr se il 17 di un mês (il 13 intai paîs di lenghe inglês) al cole di vinars. Di visâsi a son il vinars sant, inte setemane prime de Pasche, il vinars musulman, cuant che a si va inte moscheis a preâ, e il vinars ebraich, prime dal shabbath. Vinars al jere ancje il non di un personaç de novele Robinson Crusoe di Daniel Defoe.
Il Vinars de setemane di Pasche si clame Vinars Sant
