Cambuur Ljouwert
From Wikipedy
Cambuur Ljouwert is in profesjonele fuotbalklup út Ljouwert, oprjochte op 19 juny 1964. De klup spilet yn it Cambuur stadion dêr't 10.000 minsken yn kinne. It wie de ferfanger fan vv Ljouwert dy’t nei de amateurs werom kearden. Sietse Westra wie de ynisjatyfnimmer fan de oprjochting fan SC Cambuur, sa at de klub doedestiids noch hjitte. Westra wie sels fiif jier, tusken 1964 en 1969, direkteur fan de klup. De namme fan Cambuur waard yn 1988 feroare fan SC Cambuur yn Cambuur Ljouwert.
Cambuur wist him yn it earste jier yn it proffuotbal fuort te promovearjen nei de Earste Devyzje. Dêr soe Cambuur mear as 25 jier yn fuotbalje. De Ljouwerters ha oant no ta fjouwer jier, yn twa perioaden, yn de Eredivyzje spile. De earste kear wie doe't Cambuur as earste yn de Earste Divyzje wist te einigjen. Dêrop spile Cambuur yn it seizoen 1992/1993 en 1993/1994 op it heechste fuotbalnivo fan Nederlân. De twadde kear dat Cambuur dêr yn spylje soe, wie yn it seizoen 1998/1999 en 1999/2000. Cambuur wist yn 1998 de promovearjen troch de neikompetysje te winnen en sa promoasje ôf te twingen. Sûnt 2000 spilet Cambuur wer yn de Earste Devyzje.
[bewurkje seksje] Tenu
De klaaiïng fan Cambuur bestiet foar de thúswedstriden út in giel shirt, in blauwe broek en giele sokken. It tenu foar de útwedstriden bestiet út in wyt shirt, blauwe broek en wite sokken.
