Fogelsangh State
From Wikipedy
Fogelsanghstate is in state yn Feankleaster. It is koart nei 1644 boud troch Sjouck fan Fogelsangh op grûn fan it eardere norbertiner frouljuskleaster De Oliveberch.
Nei de dea fan Sjouck komt de state yn besit fan har twa soannen Dirk fan Fogelsang en Pibo fan Doma. Dirk fan Fogelsangh wenne allinich simmers op de state om't der gemeentesektretaris wie fan Frjentsjer en net sa fier fan syn wurk wenje koe. Syn soan Hylke fan Fogelsangh hat noch in skoftsje op Fogelsanghstate wenne.Nei it ferstjerren fan Dirk yn 16664 wurdt Pibo fan Doma allinich eigner.
Pibo fan Doma wenne ek net op Fogelsangstate. Nei syn ferstjerren kaam de state yn besit fan syn dochter Catharina en dernei har soan Jacob van Rosema, mar de state bleau unbewenne. De boel fertutearze dan ek slim.
Jacob wie net troud en mei syn ferstjerren kaam it hús yn besit fan Anna van Scheltinga dy't troud wie mei Johannes van Glinstra, dy't grytman wie fan Tytsjerksteradiel. Harren dochter Wya Chatarina van Glinstra erft de state. Sy troud mei de lettere grytman fan Kollumerlân, Willem Hendrik van Heemstra. Yn 1730 wurd it hús kompleet ferboud.
Ek yn 1873 wurd de state wêr modernisearre, yn ferbân mei de besite fan Kening Willem III oan Fryslân.
[bewurkje seksje] Feankleaster Bosk
It park fan sawat 12 bunder stiet bekind as it Feankleaster bosk. It is oanlein troch Lucas Pieters Roodbaard tusken 1838 en 1844, yn de ingelske lânskipsstyl. Yn it park binne under oaren in trije-earmige brêge en ferskeidene fivers en wetter partijen oanbrocht.
[bewurkje seksje] Museum
Fogelsanghstate is fanôf 1948 brûkt as úthof fan it Frysk Museum. Mar yn 2000 komt dêr in ein oan. De eigners Kyria Livia d’Asembourg barones van Harinxma thoe Slooten en har man Charles Alfred grêve de Marchant et d’Asembourg, rjochste de “Stichting Fogelsangh State” op om jild byinoar te sammeljen om Fogelsanghstate op te knappen. Yn 2003 is it wurk dien en giet de state wêr iepen as museum. Fanôf 2004 wurdt de Kolleksje Van Iddekinge, yn brûklien joen troch de Nederlânske Kastielenstifting, tentoansteld.
