John Shakespeare
From Wikipedy
John Shakespeare (1529 - 1601, Stratford-upon-Avon), de heit fan de ferneamde William Shakespeare, wie in moffemakker en wolhanneler. Nei alle gedachten wie hy in soan fan Richard Shakespeare út Snitterfield.
Yn 1552 wennwe John yn Stratford-upon-Avon. It gong him as sakeman foar de wyn en yn 1556 koft er twa huzen njonken dat dêr't er doe yn wenne, en foege de trije gear ta ien grutte wente. Tusken 1556 en 1558 troude hy mei Mary Arden. Ja hienen acht bêrn; de earste twa waarden lykwols net âld:
- 1558 - Joan
- 1562 - Margeret
- 1564 - William
- 1566 - Gilbert
- 1569 - Joan
- 1571 - Anne
- 1574 - Richard
- 1580 - Edmund
John besette in tal amten yn Stratford. Hy wie ûnder oare wethâlder en letter ek boargemaster. It wie dan ek net frjemd dat dizze súksesfolle en oansjenlike boarger fan Stratford yn 1570 in oanfraach die om in famyljewapen te krijen. Dat wapen krige hy lykwols pas mear as tweintich jier letter, want yn 'e tuskentiid krige hy skulden en ferlear hy syn posysje as wethâlder. Earst op de ein fan syn libben gie it op sosjaal en ekonomysk mêd wer better.
Yn 1596 krige John einlings, nei't William de oanfraach nochris op' e nij dien hie, it felbegearde famyljewapen, dêr't in sulveren spear op stie, as ferwizing nei de famyljenamme 'Shakespeare'. It motto fan it famyljewapen wie 'Non sanz droict' ('Net sûnder rjocht'). Dit wapen stiet ek op William Shakespeares grêf yn Stratford.
Yn 1599 krige John wer in plakje yn 'e gemeenteried, dat er hold oant syn dea twa jier letter, yn 1601.
Der binne dúdlike oanwizings dat John katolyk wie, yn in tiid dat dat ferbean wie. William moat dan witten hawwe fan syn heit syn oertsjûging en krekt as it berop fan syn heit, moat dan ek dy syn oertsjûging spoaren yn it wurk fan William wurk neilitten hawwe.
