Súdwestgermaansk
From Wikipedy
It Súdwestgermaansk soe de taal wêze dêr't alle Súdwestgermaanske talen út fuortkaam wêze koenen. De taal hjit ek wol Nederlânsk-Dútsk. Almeast wurdt oannaam dat it Súdwestgermaansk min ofte mear deselde taal wie as it Westgermaansk, en dat de aparte namme allinnich mar tsjut op de ôfskieding fan it Noardwestgermaansk of de Noardwestgermaanske talen.
De tiid fan it Súdwestgermaansk moat lein hawwe tusken it ûntstean fan de Westgermaanske taalkloft, wat no datearre wurdt op de 5e ieu, en it begjin fan de oerlevering fan de Súdwestgermaanske talen, it Aldheechdútsk oan 'e ein fan 'e 8e ieu. De taal gong oer yn de ferskate Súdwestgermaanske talen troch de gefolgen fan guon Ingveonismen en fan de Heechdútske lûdferskowings.
