Skiere Goes
From Wikipedy
| Skiere Goes | ||||||
|---|---|---|---|---|---|---|
 |
||||||
| taksonomy | ||||||
|
||||||
| soarte | ||||||
| Anser anser |
De Skiere Goes (Anser anser) is in 75-90 sm grutte fûgel út de famylje fan de Einfûgels. De skiere goes hat meast grize fearren mei yn wite ûnderein en in wite sturt. Fierder hat er in graue hals en in oranje snaffel en poatten. De skiere goes is de foarfaar fan de nuete goes dy't troch de minsken hâlden wurdt. De nuete goes is faak wyt.
Ynhâld |
[bewurkje seksje] Oare namme
De Skiere Goes wurdt yn it Frysk ek wol oantsjut as Grutte Wytgat.
[bewurkje seksje] Fersprieding
Oars as in protte oare guozzen, dy't yn it hege noarden briede, lykas de Blesgoes, briedt de Skiere Goes yn grutte parten fan Jeropa: yn Skandinaavje, Grut-Brittanje, Nederlân, Dútslân en grutte parten fan Midden-Jeropa en op de Balkan. Yn de noardelike gebieden is de skiere goes in trekfûgel mar súdliker is er op in protte plakken it jier rûn te finen. De Skiere goes hat in skoft net mear yn Nederlân bred fanwege it jeijen. Mei it ynpolderjen fan de Flevo-polders kaam er wer werom yn Nederlân te brieden. Yn 2003 wiene der wer sa'n 8000 pearkes fan de skiere goes.
[bewurkje seksje] Fuortplanting
De Skiere gouzzen foarmje in pearke foar it libben. It wyfke bout in nêst, dêr't se de 4-9 aaien yn útbredt. It mantsje bliuwt yn de buert om it nest te bewekjen. Nei 27-29 dagen komme de aaien út. De jongen wurde 2 moanne troch de âlden fersoarche mar meast bliuwe se by har âlden oant en mei it folgjende jier at de âlden wer begjinne te brieden.
