Contaminación acústica

Na Galipedia, a wikipedia en galego.

O aire non só esta contaminado pola polución, senón que tamén se ve afectado pola denominada contaminación acústica, que altera as condicións de son normais do medio ambiente nunha determinada zona. Se ben o ruído non se acumula, traslada ou mantén no tempo como as outras contaminacións, tamén pode causar grandes danos na calidade de vida das persoas se non é controlado.

O termo contaminación acústica fai referencia ó ruído (entendido como son excesivo e molesto), provocado polas actividades humanas (tráfico, industrias, locais de lecer, etc), que produce efectos negativos sobre a saúde auditiva, física e mental das persoas.

Un informe da Organización Mundial da Saúde (OMS), considera os 50 dB_a, como o límite superior desexable.

En España, establécese como nivel de confort acústico os 55 dB_a. Por enriba deste nivel, o son resulta pernicioso para o descanso e a comunicación.

Segundo estudos recentes da Unión Europea (2005): 80 millóns de persoas están expostos diariamente a niveis de ruído ambiental superiores a 65 dB_a e outros 170 millóns, o están a niveis ente 55-65 dB_a.

Índice 1 Niveis de ruído 1.1 LEQ ou Nivel continúo equivalente ou Nivel medio equivalente 1.2 LDN ou Nivel equivalente Día-Noite 1.3 SEL ou Sound Explousure level 2 Efectos do ruído sobre a saúde 2.1 Efectos Auditivos 2.2 Efectos non auditivos 2.2.1 Efectos psicopatolóxicos 2.2.2 Efectos psicolóxicos 3 Enlaces de interese relacionados coa comunicación acústica

[editar] Niveis de ruído

Para meda medir o impacto do ruído ambiental (contaminación acústica) empréganse tres indicadores:

• LEQ
• LDN
• SEL

[editar] LEQ ou Nivel continúo equivalente ou Nivel medio equivalente

O LEQ é o nivel de ruído constante. Mide en decibelios o nivel de ruído dun determinado lugar, durante un período de tempo.

[editar] LDN ou Nivel equivalente Día-Noite

O LDN mide o nivel de ruído LEQ que se produce en 24 horas. Ó calcular o ruído nocturno, como non debe haber, penalízase con 10 dB_a ós ruídos que se producen entre as 10 da noite e as 7 da mañá).

[editar] SEL ou Sound Explousure level

O SEL é o nivel LEQ dun ruído de 1 segundo duración. O SEL emprégase para medir o número de ocasións en que se superan os niveis de ruído tolerado en sitios específicos: barrios residenciais, hospitais, escolas, etc.

[editar] Efectos do ruído sobre a saúde

[editar] Efectos Auditivos

O sistema auditivo reséntese ante unha exposición prolongada a unha fonte dun ruído, inda que esta sexa de baixo nivel.

O déficit auditivo provocado polo ruído ambiental chámase socioacusia.

Unha persoa cando se expón prolongadamente a un nivel de ruído excesivo, nota un asubío no oído, este é un sinal de alarma. Inicialmente, os danos producidos por unha exposición prolongada non son permanentes, sobre os 10 días desaparecen. Así a todo, se a exposición á fonte de ruído non cesa, as lesións serán definitivas. A xordeira irá crecendo ata que se perda totalmente a audición.

Non só o ruído prolongado é prexudicial, un son repentino de 160dB_a, como o dunha explosión ou un disparo, poden chegar a perforar o tímpano ou causar outras lesiónss irreversibles.

[editar] Efectos non auditivos

A contaminación acústica, amais de afectar ó oído pode provocar efectos psicolóxicos negativos e outros efectos fisiopatolóxicos Por suposto, o ruído e os seus efectos negativos non auditivos sobre o comportamento e a saúde mental e física dependen das características persoais, ó parecer a tensión xerada polo ruído modúlase en función de cada individuo e de cada situación.

[editar] Efectos psicopatolóxicos

1. A máis de 60 dB_a.
   1. Dilatación das pupilas e pestanexo acelerado.
   2. Axitación respiratoria, aceleración do pulso e taquicardias.
   3. Aumento da presión arterial e dorde cabeza.
   4. Menor irrigación sanguínea e maior actividade muscular. Os músculos póñense tensos e dolorosos, sobre todo os do pescozo e costas.
2. A máis de 85 dB_a.
   1. Diminución da secreción gástrica, gastrite ou colite.
   2. Aumento do colesterol e dos triglicéridos, co conseguinte risco cardiovascular. En enfermos con problemas cardiovasculares, arteriosclerose ou problemas coronarios, os ruídos fortes e súbitos poden chegar a causar ata un infarto.
   3. Aumenta a glicosa en sangre. Nos enfermos de diabetes, a elevación do azucre pode ocasionar estados de coma e ata a morte.

[editar] Efectos psicolóxicos

1. Insomnio e dificultade para conciliar o sono.
2. Fatiga.
3. Estrés (polo aumento das hormonas relacionadas co estrés como a adrenalina).
4. Depresión e ansiedade.
5. Irritabilidade e agresividade.
6. Histeria e necrose.
7. Illamento social.
8. Falta de desexo sexual ou inhibición sexual.

Tódolos efectos psicolóxicos están intimamente relacionados, por exemplo:

• O illamento conduce á depresión.
• O insomnio produce fatiga; a fatiga, falta de concentración; a falta de concentración, baixa productividade; a falta de productividade, estrés.

[editar] Enlaces de interese relacionados coa comunicación acústica

• ruidos.org
• Federación Galega de Asociacións Contra o Ruído