Darkover
Na Galipedia, a wikipedia en galego.
Aviso: Esta sección pode conter detalles da trama.
Atención: a pesar do tema deste artigo ser do ámbito da ficción, as ligazóns externas poden remitir para artigos que se refiren á realidade non ficcional.
Darkover é o planeta ficcional que dá nome á serie de libros de fantasía e ficción científica escritos pola norteamericana Marion Zimmer Bradley desde 1962.
Índice |
[editar] Lugar
Darkover é o único planeta habitado por seres humanos dos sete que orbitan en torno da estrela vermella xigante Cottman.
[editar] O sistema estelar
Darkover é o cuarto planeta a contar da súa estrela, razón por que tamén se denomina de Cotmann IV. Os dous planetas máis perto do sol (Cottman II e III) son planetas xigantes de gas e o terceiro (Cottman I) é un rocha árida e cáustica, demasiado perto da estrela para sustentar vida. Dos tres planetas exteriores, os dous máis distantes de Darkover (Cottman VI e VII) son planetas xigantes de gas semellantes a Xúpiter e Saturno do noso sistema solar. Cottman V é un planeta xelado que, aínda que non sexa tóxico para os seres humanos, non pode soportar naturalmente unha poboación humana auto-sustentada.
Darkover ten catro lúas: Liriel, Kyrridis, Irdriel e Mormallor. Estas varían canto á cor e tamaño. Liriel é a lúa maior e ten unha tonalidade violeta. Kyrridis é a segunda maior e é descrita como azul brillante, semellante ao das plumas do pescozo dun pavón. Irdriel ten un tamaño intemedio e preséntase cun verde marítimo. Mormallor é unha lúa moi pequena e branca, e crese que se trata dun asteroide que se capturou pola gravidade de Darkover.
[editar] O planeta
O tamaño de Darkover é semellante ao da Terra, aínda que aquel teña unha menor forza de gravidade debido á relativa falta de metais e a unha maior porcentaxe de oxíxeno na atmosfera. A súa órbita é máis lenta que a da Terra, equivalendo un ano darkovano a quince meses terrestres.
Tal como Cottman V, Darkover tamén é un planeta que vive permanentemente na Idade do xelo, con apenas unha pequena faixa ecuatorial continental quente, o suficiente para permitir unha limitada agricultura, pesca e cría de gado. O clima do planeta é rigoroso coas rexións máis quentes do planeta sen neve só durante algunhas semanas.
O clima de Darkover influencíase por dúas grandes forzas:
- Unha gran cordilleira denominada O Grande Muro á Volta do Mundo que se eleva a 9000 metros acima do nivel do mar. Esta cordilleira ten o efecto arrefecedor dun terceiro polo e orixinou que o eixo de rotación de Darkover sexa máis extremo que o da Terra, o que causa unha flutuación extrema entre as temperaturas do Verán e o Inverno na rexión ecuatorial.
- Ao contrario da Terra, que ten só un satélite natural, Darkover ten catro lúas que afectan as forzas das mareas e os padróns do clima.
Visto do espazo, o planeta domínase polos casquetes polares, os cales cobren a maioría da súa superficie. O único continente, soamente uns poucos graos a norte do ecuador, está ligado aos glaciares do casquete polar do norte pol'O Grande Muro á Volta do Mundo ao norte e ao leste do continente. Ao sur e ao oeste daquela cordilleira encontrase así a denominada zona continental temperada cuxos límites son a auga libre do océano do planeta, máis propiamente o Mar de Dalereuth.
Esta parte do continente domínase por espazos forestais de árbores verdes xigantes de follas persistentes que crecen nos sopés das montañas. Ao suroeste das fragas, encóntranse as terras altas de Darkover, ben como as planicies, pantanos salobres e vales de río arábeis. Na porción oeste do continente encóntrase outra cordilleira, cuxas montañas se chaman As Hellers e ao oeste das cales se sitúa unha elevada chaira deserta e fría, denominada As Cidades Secas.
[editar] Especies
Cando os seres humanos aterraron por primeira vez en Darkover, encontraran un mundo ancián xa habitado por outras formas de vida intelixentes.
[editar] Vida Nativa Intelixente
- Homes-Gato - Seres non humanos semellantes a gatos, territoriais e cun laran primitivo. Realizan comercio cos habitantes d'As Cidades Secas e atacan os viaxantes.
- Chieri - Foron unha das primeiras especies que os exploradores terrestres encontraron. Son unha raza cunha longa esperanza de vida, seis díxitos, estatura elevada, telepáticos e cunha fisioloxía semi-hermafrodita. A súa raza está á beira de extinción debido ás baixas taxas de fecundidade. Descubriuse que é posíbel os seres humanos e os chieri xeraren híbridos.
- Kyrii - Bípedes humanoides co corpo cuberto de pelos cincentos, face semellante á dos macacos e ollos verdes brillantes. Poden dar choques eléctricos.
- Pobo das Árbores - Raza semi-arbórea de vexetarianos que construiron grandes cidades nas árbores altas de Darkover. A súa poboación sofre cando os seres humanos viven nas redondezas.
- Homes-Ya - Aínda que a verdadeira intelixencia desta raza semellante a aves estea en cuestión, estes habitantes das montañas son frecuentemente vistos polos seres humanos que viven nas terras baixas.
[editar] Humanos Darkovanos: Os Comyn
Os Comyn son as sete familias de Darkover dotadas con laran, sendo os descendentes híbridos dos seres humanos cos cheri. Os comyn aprenderon a utilizar as pedras matrices nativas para axudar a se concentraren e fortaleceren os seus poderes laran para duplicar e, por veces, sobrepasar a tecnoloxía baseada na ciencia. Cada familia comyn controla un Dominio, mais o casamento estratéxico entre as familias e cuestións territoriais feudais resultan na flutuación desas fronteiras. As sete familias inclúen:
- Hastur de Hastur: Dotados co poder da matriz viva, algúns elementos desta familia son capaces de alcanzar grande poder laran sen a necesidade dunha pedra matriz artificial.
- Hastur de Elhalyn: Dotados co poder da previsión, algúns dos elementos desta familia teñen a capacidade de veren todas as consecuencias resultantes de cada decisión tomada ou hipótese presentada. Este poder vese por algúns como unha maldición, unha vez que as videncias mostran non só consecuencias positivas mais tamén as máis horrendas.
- Alton: Dotados co poder da comunicación forzada, algúns elementos desta familia teñen a capacidade de forzar nunha mente non desexosa o estabelecemento dunha dolorosa ligazón telepática. Isto causou unha gran desconfianza por parte das restantes familias en relación aos Alton, especialmente debido aos rumores de que un Alton encolerizado ten a capacidade de matar alguén coa súa mente.
- Ardais: Dotados co laran catalizador, algúns elementos desta familia teñen a capacidade de despertar poderes laran latentes noutras persoas.
- Aillard: Dotados cun misterioso poder que se foi esquecendo ao longo dos tempos, os Aillard viven nunha comunidade fechada.
- Aldaran: Dotados cunha verdadeira clarividencia, algúns elementos desta familia teñen a capacidade de ver o futuro.
- Ridenow de Serrais: Dotados con empatía, algúns elementos desta familia teñen a capacidade de unir as mentes con outras persoas e tornárense unos cos seus pensamentos e sentimentos.
Alén desta sete familias principais, existen outras menores:
- MacAran: Habitan na vila Falconsward n'As Hellers, tendo a capacidade de se comunicaren cos animais. Coñécense como cazadores de falcóns.
- Delleray: poderes naturais de controlar o clima, pode encontrarse, raramente, en membros doutras familías próximas
- Leynier: Existen rumores de que algúns membros desta familia son transmorfos.
- Lanart
- Di Asturien: Pertencen á gran familia Hastur, vivindo no castelos Asturais, pero das montañas Venza.
- Lindir: Casados con elementos da familia Aillard.
- Storn: Casados con elementos do clan Aldaran.
- Syrtis: Casados con elementos dos Hasturs, sendo aínda coñecidos por seren os mellores cabaleiros de Darkover.
- Rockraven: Pertencen á grande familia Aldaran, vivindo en Ravenscrag, n'As Hellers.
[editar] Cronoloxía de Darkover
Aínda que a seguinte cronoloxía de Darkover inclúa unha lista de libros pasados en períodos específicos, cada romance foi escrito como unha historia individual, sendo cada libro independente dos demais. Inclusivamente, a autora recomendou que a orde de lectura fose feita a través das datas de publicación, en vez da orde cronolóxica dos acontecementos, dado que o seu estilo literario evoluíu considerabelmente ao longo da súa carreira.
[editar] A Descuberta
Durante os primeiros anos da exploración e colonización espacial, os terrestres accidentalmente instalaron unha colonia en Darkover, perdéndose o contacto entre os colonizadores e a Terra. Os antecedentes étnicos destes colonizadores son celtas e españois, incluíndo científicos pro-tecnolóxicos e fanáticos naturalistas tecnofóbicos. Á medida que os anos pasaron sen contacto co seu planeta natal, as etnias e ideoloxías dos colonizadores fóronse mesturando, desenvolvendo unha cultura darkovana independente e distinta. O xenoma humano tamén se expandiu, á medida que os colonizadores e os seus descendentes procriaban cos nativos Chieri.
Libro desta era:
- Darkover Landfall (1972), traducido como Aterraxe en Darkover (Portugal, 2004) e A Chegada en Darkover (Brasil, 1989).
- Neste libro a autora narra a chegada dos terrestres a Darkover, relatando os tempos en que este planeta descoñecía a especie humana. Coa aterraxe forzada dunha nave estelar naquel planeta descoñecido, os colonizadores terrestres tiveron de enfrentar, pola primeira vez na existencia humana, o impacto do Vento Fantasma, das correntes psíquicas existentes unicamente naquel mundo e do prezo que todos os seres da Terra terían de pagar para que Darkover os aceptase. O libro introduce sobrenomes, relixións e temas culturais que están presentes ao longo da serie de libros Darkover e que narra milenios de historia daquel planeta.
[editar] As Eras do Caos
Á medida que os séculos pasan, os descendentes dos colonizadores orixinais desenvolven fortes poderes psíquicos, denominados laran, os cales se incorporaron na súa estrutura cultural de castas. A historia de Darkover márcase por programas de reprodución humana, mao uso de laran e control eventual dos poderes psíquicos. Aqueles que presentan capacidades psíquicas e outros laran máis desenvolvidos tórnanse a clase dominante e a elite tecnolóxica, coñecidos pola designación comyn, estando marcados xeneticamente polo cabelo rubio. Neste período, a tecnoloxía baseada en laran é a base dos clans feudais bélicos, o que leva a resultados desastrosos, nunha loita polo poder entre os varios Dominios en Ascendencia, até a un determinado Rei promover a unión de todos os habitantes de Darkover.
Libros desta era:
- Stormqueen! (1978), traducido como A Raíña das Tormentas (Portugal, 2004) e Raíña da Tempestade (Brasil, 1988).
- Neste libro, dúas familias feudais, os Elhalyn e os Ridenow, están empeñadas nun proxecto de reprodución humana co obxectivo de desenvolveren nenos con poderosos poderes psíquicos, os laran. A protagonista é Dorilys Aldaran, descendente de Rockraven, a cal desenvolve un temoroso poder capaz de alterar os padróns climáticos do planeta. Este libro sitúase, por tanto, nos días en que a matriz se encontraba nas mans de homes ambiciosos, cando a adulteración xenética producía portentos e manipuladores de estraños poderes e cando o herdeiro dos Hasturs encontrou o seu destino nas persoas da feiticeira que el amaba e da meniña mutante que se comprometera a protexer.
- Thunderlord (por publicar)
- Nas altas Hellers, Coryn Leynier, o fillo adolecente dun nobre menor, acorda dun pesadelo cun inmenso fogo forestal, apenas para descubrir que o incendio é real. Correndo para as liñas de fogo para axudar os seus parentes, Coryn loita para combater as súas propias náuseas e vertixes que se teñen tornado cada vez máis frecuentes nos últimos meses. Á medida que todos os habitantes de Verdanta loitan para conter o peor fogo de que teñen memoria, sen conseguiren resultados, o Lorde Leynier envía unha mensaxe desesperada para os seus veciños máis próximos, os Storns, cun pedido de axuda e de pasaxe libre polas as súas terras até a Torre Tranmontana. A pesar da tradición das treguas de fogo, o Lord Storn recusa axudar os Leyniers debido a unha antiga contenda entre as dúas familias. Cando todo parece perdido e Verdanta parece condenada a ser consumida polas chamas, a axuda chega inesperadamente na persoa de Rumaíl, un laranzu da Torres Neskaya. Entrementres , Tramontana envía químicos de combate ás chamas a través de planeadores e o incendio contrólase. Mais Rumaíl non se dirixiu a Verdanta debido a unha actitude altruísta. O seu obxectivo é testar os nenos dos Leyniers canto ao seu potencial laran e cedo se apercibe de que Coryn sofre do inicio dunha doenza potencialmente fatal que acompaña o despertar dun poderoso laran. El oferécese para monitorizar Coryn e consegue que el ingrese na Torre Tranmontana para adestrarse. Durante o exame de Rumaíl, Coryn apercíbese de algo terribelmente errado, sabendo que algo maligno se implantou profundamente na súa mente, mais non consegue falar dese asunto cando acorda. Sen o coñecemento dos Leyniers, o poderoso Rei Damian Deslucido recrutou a axuda do seu medio-irmán Rumaíl para os seus planos de conquista, planos que xa comezaron a ser colocados en práctica. Rumaíl non se deterá con nada - nin sequera coa utilización ética do seu laran - para axudar o seu ambicioso irmán, cuxo obxectivo é unir todo o Darkover baixo o seu dominio, tendo para iso de ameazar a grande e máis poderosa de todas as dinastías darkovanas: os Hastur de Thendara.
- Carolin Hastur, herdeira do trono Hastur, e Varcil Ridenow, un neno nobre cun extraordinario laran, deciden eliminar as terríbeis armas baseadas en laran que conseguen matar millares a unha grande distancia. Os feitos deste par van mudar para sempre o seu mundo e a honra de Varcil será posteriormente lembrada. Por outro lado, Eduin MacEarn, amigo de Carolyn, encóntrase nunha loita interior despois de xurar vinganza contra os Hasturs, que derrotaran o seu pai.
- Este libro narra a amizade lendaria entre un Rei e o Chanceler-Mor, a cal resultará nun novo destino para Darkover.
- Hawkmistress (1982), traducido como A Rapariga do Falcón (Portugal, 2005) e A Dama do Falcón (Brasil, 1990).
- Romily MacAran rexeitara o poder patrimonial que a súa ascendencia nobre lle conferira para vivir a liberdade que só os homes podían reclamar. Se xa consideraba mao forzarse a conformarse coas exixencias sociais obrigatorias para as mulleres en Darkover, cando o seu pai combinou o casamento cun nobre que consideraba repulsivo, revoltouse. Disfrazouse de rapaz e embreñouse nas profundas fragas da súa terra. A subsistencia co que lle daba a terra non era tan difícil como sería para a maioría das persoas pois posuía o don dos MacAran, o raro laran, que lle confería o dominio sobre os falcóns e os cabalos. No entanto, Romily arrastrouse pola voráxine do conflito que se desenvolvía nas terras de Darkover na Era do Caos, sendo o seu desafío encontrar o seu papel na vida sen sacrificar os seus ideais.
[editar] Os Cen Reinos
Trátase da época do final das Eras do Caos, na cal o planeta se encontra dividido nunha centena de reinos rivais e a civilización oscila á beira da separación. As guerras e as devastacións resultantes dos conflitos internos dividiran os antigos grandes reinos en pequenos reinos independentes, en cidades-estado, en baronatos, condados e repúblicas independentes; nalgúns deles, dicíase que o seu rei podería ficar en pé sobre un outeiro e avistar todo o seu reino e tamén a terra dos seus reis veciños. Moitos homes desta época soñaban en unificar os Cen Reinos e constituír un único reino onde imperase a xustiza, de modo a terminar coa anarquía daquela época.
Libros desta era:
- Este libro é o retrato do fin das Eras do Caos e o inicio do período que viría a ser coñecido como a época dos Cen Reinos. Que forzas poderían axir caso existisen dous obxectos que fosen absolutamente idénticos canto á forma e á substancia? Esta é a historia de Bard di Asturien, un soldado proscrito e ambicioso, do seu adversario Varcil O Bon, que loita para estabelecer un pacto, e de Paul Harrell, un home da distante Terra, un dobre do inimigo de Varcil. Trátase duna novela de forzas sociais en loita, do uso e mao uso da ciencia, da guerra, de violación e de feitizaría.
- The Heirs of Hammerfell (1989), traducido como Os Herdeiros de Hammerfell (Brasil, 1992) e inédito en Portugal.
- Na época dos Cen Reinos, vivíase unha terríbel rivalidade entre os reinos de Hammerfell e Stron, até que este incendia o castelo do inimigo, mata o seu Lord e obriga a dama a fuxir cos fillos xemelgos Alataír e Conn.
[editar] Recontacto (Contra os Terrestres: A Primeira Era)
Eventualmente, o planeta é redescuberto polos terrestres e un aeroporto espacial é construído perto de Thendara, a maior cidade de Darkover.
Libros desta época:
- Cando unha nave estelar exploratoria do Imperio Terrestre encontra os descendentes dun dos seus equipos de colonización hai moito tempo perdido no cuarto planeta do sistema estelar Cottman, o que comeza por ser un prometedor diálogo entre culturas dispares cedo se transforma nunha oportunidade para a ganancia humana.
- A historia deste libro ocorre despois do período de redescuberta, no cal o Imperio Terrestre descubriu o planeta Darkover e que os seus habitantes era descendentes de colonizadores dunha nave perdida millares de anos atrás. Esta historia é sobre a Orde das Amazonas Libres. A sociedade de Darkover é moi restritiva no que toca ás mulleres e estas teñen poucos dereitos. As Amazonas Libres rexeitan esta actitude e, por lei, ningún dos seus membros ten de se someter á lei dos homes. Representan outra opción para as mulleres que senten a opresión da sociedade darkovana. Esta novela presenta tres partes distintas. A primeira fócase en Rohana Ardais. Lady Rohana infórmase de que unha parente que fora raptada máis dunha década atrás aínda se encontra viva e desexa ser salvada. Rohana desafía as convencións e contrata un equipo de Amazonas Libres co obxectivo de salvar Melora das Terras Secas. Este salvamento orixina que Xaelle, a filla de Melora, sexa criada polas Amazonas Libres. Cronoloxicamente, transcorren doce anos entre a parte I e II do libro. Antes da parte II, outros dous libros teñen lugar no tempo.
- A historia de Darkover estaba repleta de historias encantadas. Entre elas, existía a espada de Don Esteban, que tería de desempeñar o papel fundamental na busca do terrestre Andrew Carr, de modo a restaurar a luz nos ceos cada vez máis escuros dun mundo hostil.
- Este libro narra a historia de catro persoas que desafían o poder dos círculos da matriz, fanáticos que protexían eses poderes para que Darkover non puidese caer baixo a influencia dos materialistas terrestres. Os catro descubríronse unidos nun só. Os dous homes eran Damon Ridenow da casta dominante dos Comyn e Andrew Carr, o terrestre que conquistara o dereito de ingresar no clan. As mulleres eran Ellemir, esposa de Damon, e a súa irmá xemelga Callista, que renunciou aos seus votos para procurar o amor co estraño vido das estrelas. Todas as forzas de Darkover se uniron para resistir a esa alianza anormal.
- (A segunda e terceira historias de The Shattered Chain sitúanse cronoloxicamente entre The Forbidden Tower e Thendara House).
- A segunda parte deste libro céntrase nunha terrestre Magda Lorne que desexa salvar o seu ex-marido Peter, tamén terrestre. Traballando ambos no aeroporto espacial en Thendara, tendo crecido nunha cidade darkovana, e sendo capaces de traballar infiltrados, aprenden as linguas e as variacións na linguaxe, estilo e cultura, de modo a axudar os terrestres a interactuar cos nativos de Darkover. Peter parece idéntico a un parente de Rohana, e por suxestión desta, Magda disfrázase de Amazona Libre para negociar a súa liberación. A terceira parte presenta unha Xaelle crecida, que mentres tanto xa coñecera a Magda. Xaelle é a líder dun pequeno bando de Amazonas Libres. Sendo aínda nova, ten de se debater co conflito interior entre o amor e a decisión de ser unha Amazona Libre.
- A Casa de Thendara é o lugar onde vivían as Amazonas Libres, mulleres que renunciaban a servir e a obedecer a calquera home, chegando así a un nivel de total igualdade social. É neste libro que se observa o choque das dúas culturas, unha dominada por homes e outra por mulleres.
- Magdalen Lorne, a principal axente terrestre en Darkover, ligada por xuramento á Guilda das Renunciantes, debe encontrar unha cidade antiga e lendaria, que ningún home xamais viu. Para iso ela sería testada como nunca fora antes, polas accións malignas da Irmandade Negra.
- Os nativos de Darkover eran humanos, mais hostís aos colonos da Terra que tiñan desembarcado no seu planeta. Larry Montray encontraría na súa aventura moito máis do que imaxinara. Descubriuse no medio dunha das rivalidades máis antigas do que a memoria, trabada por seres descoñecidos, animais brutais e intelixencias alieníxenas. As súas accións determinarían o destino de todos os terrestres en Darkover.
- Dan Barron é un terrestre que traballa hai cinco anos en Darkover. Tal como a maioría dos terrestres, pasou case todo o tempo na Zona Terrestre e non entre os darkovanos nativos. Dan comeza a ter visións nas cales se encontra nun castelo. El é degradado despois de case causar un accidente no aeroporto espacial de Thendara. Cando o Lord Valdir Alton solicita un terrestre para ensinar e adestrar darkovanos a traballar o vidro para lentes telescópicas e binoculares, o vicecoordenador terrestre selecciona a Dan para ese tarefa, de modo a el non se deportar do planeta. Unha das visións que Dan continúa a ter é o dunha xove rubia escorrentada e cuberta con fogo. Neste libro tamén se conta unha historia da familia Storn. O seu castelo ocupouse por un exército de bandidos que aprisionou os Storn. O Lord Loran Storn, cego e practicamente sen salvación, protexeuse co seu laran e enviou a súa irmá Mellita á procura de auxilio. Loran tamén tenta encontrar un modo de axudar a propia familia e utiliza o seu poder para controlar unha persoa para auxiliar os Storn. Esa persoa é Dan Barron. Este volume introduce aínda a Matriz de Sharra, un poderoso laran, banido hai moitos anos por ser visto como perigoso e pagán, permitindo crear un poderoso fogo nas mans de quen comanda o laran.
[editar] Despois dos Comyn (Contra os Terrestres: A Segunda Era)
Libros desta era:
- Para o terrestre Jeff Kervin, o planeta distante do que só se lembraba como un soño de infancia, era o seu lar. Mais, cando anos de planeamento o levaran de volta a Darkover, descubriu que a paz que desexaba non estaba alí.
- The Heritage of Hastur (1975), traducido como A Herdanza de Hastur (Brasil, 1994) e inédito en Portugal.
- Neste libro cóntase a historia da tradición de Hastur e da confrontación entre aqueles que querían negociar con enganos o seu mundo en troca das glorias da ciencia das estrelas e os que desexaban preservar o poder especial da matriz.
- The Planet Savers (1962), traducido como Os Salvadores do Planeta (Brasil, 2000) e inédito en Portugal.
- Neste libro encóntranse personaxes xa coñecidos noutras aventuras en Darkover, como Regis Hastur, en contacto cos habitantes non humanos do seu mundo, e terrestres á procura dun lugar para ficar, indo dun mundo atrás doutro. A edición brasileira inclúe aínda a historia curta A Cachoeira e o banido A Espada de Aldones.
- Sharra's Exile (1981), traducido como O Exilio de Sharra (Brasil, 1994) e inédito en Portugal (trátase da substitución oficalmente reescrita de The Sword of Aldones (1962)).
- A matriz máis lendaria de todo o Darkover era a lendaria Sharra. Personificada pola imaxe dunha muller escorrentada, envolta en chamas, era a última arma que quedaba das Eras do Caos, que case destruíra a civilización no planeta. Sharra fora exiliada de Darkover para as rexións estelares distantes do Imperio Terrestre, baixo a custodia de Lew Alton, até ao día en que el foi chamado de volta ao seu mundo natal para defender os seus dereitos. Así que Sharra retornou, a Forma de Fogo resurxiu e expandiuse, desencadeando acontecementos que haberían de mudar para sempre os Dominios e o futuro de Darkover.
- Reluctant King (por publicar)
- The World Wreckers (1971), traducido como Os Destruidores de Mundos (Brasil, 1995) e inédito en Portugal.
- Os Destruidores de Mundos son unha organización clandestina que, por diñeiro, se infiltra nun planeta que non desexa a plena integración do mundo, e cría as condicións para que investidores externos asuman o seu control. Darkover é o seu novo obxectivo. A única esperanza de salvación dos darkovanos está nas mans dos chieri, os case lendarios nativos de Darkover. Conseguirán esas xentís criaturas superar o poder implacábel que ameaza a propia existencia do seu mundo?
- Exile's Song (1996 - con Adrienne Martíne Barnes), traducido como Canción do Exilio (Brasil, 2000) e inédito en Portugal.
- Ela era Margaret Alton, a filla de Lew Alton, o representante para o Senado do Imperio Terrestre. Non tiña moitas lembranzas do seu planeta nativo ou mesmo da súa tumultuosa infancia -apenas recordos fugaces que aterrorizaban o seu sono-. Así que foi posíbel, Margaret deixou a súa casa e refuxiuse na Universidade. Alí encontrou conforto no illamento dos seus estudos de música. Entrementres , conseguiu unha posición de asistente do seu mentor, o renomado Dr. Igor Davidson. Esta prestixiosa función levouna a moitos mundos diferentes e cando ela e o Profesor Davidson foron designados para estudar as cancións folclóricas de Darkover, ficou alegre e curiosa. O seu mundo nativo evocaba memorias terríbeis e dolorosas, enterradas moito tempo atrás.
- Margaret Alton tenta aprender acerca do poder da matriz na palma da súa man. Non sendo educada en Darkover, ela considera as restricións colocadas ás mulleres como arcaicas, mais desexa integrarse. O seu corazón pertence a Mikhail Lanart-Hastur, mais nin ela nin Mikhail conseguen prever un modo de como se poderán casar, unha vez que tal iría destruír os planos da dinastía do concello de Comyn.
- A morte de Regis Hastur, rexente de Darkover, sinala o inicio dun tempo difícil para o planeta. Á medida que o seu herdeiro, Mikhail, se prepara para asumir o poder, as más relacións entre Darkover e a Federación Terrestre atinxe o clímax, arrastrando as principais familias do planeta nunha cruzada de intrigas e traizóns. Irá finalmente a Federación Terrestre derrubar as familias rexentes?
[editar] Lista de Libros
Alén das novelas, publicáronse nos EUA varias antoloxía de pequenas historias pasadas en Darkover, escritas por diversos autores.
En Portugal, os libros da serie Darkover foron publicados pola editora Difel. No Brasil foron publicados pola Imago Editora.
A seguinte lista de libros da serie Darkover está disposta por orde de publicación e non por orde cronolóxica de acontecementos:
| Ano Publicación (EUA) |
Título orixinal (en), portugués (pt) e brasileiro (br) |
Reedición(ións) (EUA) |
Co-Autor | Era Darkovana | Notas |
|---|---|---|---|---|---|
| 1962 | The Planet Savers (en) inédito (pt) Os Salvadores do Planeta (br) |
1995, 2004 na colectánea To Save a World | -- | Contra os Terrestres: A Segunda Era Despois dos Comyn |
-- |
| 1962 | The Sword of Aldones (en) inédito (pt) segunda historia d'Os Salvadores do Planeta (br) |
vide Shara's Exile | -- | Contra os Terrestres: A Segunda Era Despois dos Comyn |
Reescrito en 1981 e incorporado no Sharra's Exile |
| 1964 | The Bloody Sun (en) inédito (pt) O Sol Vermello (br) |
Reescrito en 1979, 2003 na colectánea A World Divided | -- | Contra os Terrestres: A Segunda Era Despois dos Comyn |
Libro #3 da serie Spell Sword/Forbidden Tower/Bloody Sun |
| 1965 | Star of Danger (en) inédito (pt) Estrela do Perigo (br) |
1994, 2003 na colectánea A World Divided | -- | Contra os Terrestres: A Primeira Era Recontacto |
-- |
| 1970 | Winds of Darkover (en) inédito (pt) inédito (br) |
1995, 2003 na colectánea A World Divided | -- | Contra os Terrestres: A Primeira Era Recontacto |
-- |
| 1971 | World Wreckers (en) inédito (pt) Os Destruidores de Mundos (br) |
1994, 2004 na colectánea To Save a World | -- | Contra os Terrestres: A Segunda Era Despois dos Comyn |
-- |
| 1972 | Darkover Landfall (en) Aterraxe en Darkover (pt) A Chegada en Darkover (br) |
2004 na colectánea Darkover: First Contact | -- | A Descuberta | -- |
| 1974 | The Spell Sword (en) inédito (pt) A Espada Encantada (br) |
2002 na colectánea The Forbidden Circle | -- | Contra os Terrestres: A Primeira Era Recontacto |
Libro #1 da serie Spell Sword/Forbidden Tower/Bloody Sun |
| 1975 | The Heritage of Hastur (en) inédito (pt) A Herança de Hastur (br) |
2002 na colectánea Heritage and Exile | -- | Contra os Terrestres: A Segunda Era Despois dos Comyn |
Libro #1 da serie Heritage of Hastur/Sharra's Exile/Reluctant King |
| 1976 | The Shattered Chain (en) inédito (pt) A Corrente Partida (br) |
2002 na colectánea Saga of the Renunciates | -- | Contra os Terrestres: A Primeira Era Recontacto |
Libro #1 da serie Shattered Chain/Thendara House/City of Sorcery |
| 1977 | The Forbidden Tower (en) inédito (pt) A Torre Prohibida (br) |
2002 na colectánea The Forbidden Circle | -- | Contra os Terrestres: A Primeira Era Recontacto |
Libro #2 da serie Spell Sword/Forbidden Tower/Bloody Sun |
| 1978 | Stormqueen! (en) A Raíña das Tormentas (pt) Raíña da Tempestade (br) |
2002 na colectánea Ages of Chaos | -- | As Eras do Caos | -- |
| 1979 | Bloody Sun (reescrito) | 1994 | -- | Contra os Terrestres: A Segunda Era Despois dos Comyn |
Libro #3 da serie Spell Sword/Forbidden Tower/Bloody Sun |
| 1980 | Two to Conquer (en) inédito (pt) Dous para Conquistar (br) |
2004 na colectánea Darkover: First Contact | -- | Os Cen Reinos | -- |
| 1980 | The Keeper's Price (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1981 | Sharra's Exile (en) inédito (pt) O Exilio de Sharra (br) |
2002 na colectánea Heritage and Exile | -- | Contra os Terrestres: A Segunda Era Despois dos Comyn |
Libro #2 da serie Heritage of Hastur/Sharra's Exile/Reluctant King |
| 1982 | Hawkmistress (en) A Rapariga do Falcón (pt) A Dama do Falcón (br) |
2002 na colectánea Ages of Chaos | -- | As Eras do Caos | -- |
| 1982 | Sword of Chaos (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1983 | Thendara House (en) inédito (pt) A Casa de Thendara (br) |
2002 na colectánea Saga of the Renunciates | -- | Contra os Terrestres: A Primeira Era Recontacto |
Libro #2 da serie Shattered Chain/Thendara House/City of Sorcery |
| 1984 | City of Sorcery (en) inédito (pt) Cidade da Maxia (br) |
2002 na colectánea Saga of the Renunciates | -- | Contra os Terrestres: A Primeira Era Recontacto |
Libro #3 da serie Shattered Chain/Thendara House/City of Sorcery |
| 1985 | Free Amazons of Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1987 | Red Sun of Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1987 | Four Moons of Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1989 | Heirs of Hammerfell (en) inédito (pt) Os Herdeiros de Hammerfell (br) |
-- | -- | Os Cen Reinos | -- |
| 1991 | Renunciates of Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1991 | Lerony of Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1993 | Rediscovery (en) inédito (pt) inédito (br) |
-- | Mercedes Lackey | Contra os Terrestres: A Primeira Era Recontacto |
-- |
| 1993 | Towers of Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover |
| 1993 | Marion Cimmer Bradley's Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover; inclúe To Keep the Oath |
| 1994 | Snows of Darkover (en) inédito (pt) inédito (br) |
-- | (Varios) | (Varios) | Antoloxía de pequenas historias pasadas en Darkover; inclúe To Keep the Oath |
| 1996 | Exile's Song (en) inédito (pt) Canción do Exilio (br) |
-- | Adrienne MartíneBarnes | Contra os Terrestres: A Segunda Era Despois dos Comyn |
-- |
| 1998 | The Shadow Matrix (en) inédito (pt) inédito (br) |
-- | Adrienne MartíneBarnes | Contra os Terrestres: A Segunda Era Despois dos Comyn |
-- |
| 1999 | Traitor's Sun (en) inédito (pt) inédito (br) |
-- | Adrienne MartineBarnes | Contra os Terrestres: A Segunda Era Despois dos Comyn |
-- |
| 2001 | The Fall of Neskaya (en) inédito (pt) inédito (br) |
-- | Deborah J. Ross | As Eras do Caos | Clingfire Trilogy #1 - a ser escrito cando a Marion Cimmer Bradley faleceu |
| 2003 | Zandru's Forxe (en) inédito (pt) inédito (br) |
-- | Deborah J. Ross | As Eras do Caos | Clingfire Trilogy #2 - a ser escrito cando a Marion Cimmer Bradley faleceu |
| 2004 | Flame in Hali (en) inédito (pt) inédito (br) |
-- | Deborah J. Ross | As Eras do Caos | Clingfire Trilogy #3 - a ser escrito cando a Marion Cimmer Bradley faleceu |
| por publicar | The Reluctant King | -- | -- | Contra os Terrestres: A Segunda Era Despois dos Comyn |
Libro #3 da serie Heritage of Hastur/Sharra's Exile/Reluctant King - a ser escrito cando a Marion Cimmer Bradley faleceu |
| por publicar | Thunderlord | -- | -- | As Eras do Caos | A ser escrito cando a Marion Cimmer Bradley faleceu |
