DMA
Na Galipedia, a wikipedia en galego.
Siglas en inglés de Acceso Directo á Memoria, Direct Memory Access. O acceso directo á memoria é unha técnica empregada polos perífericos dun ordenador para acelerar o funcionamento do mesmo. En lugar de involucrar á CPU nas transferencias de información entre a memoria e un periférico, un compoñente electrónico específico, o controlador de DMA, encárgase de coordinar este movemento de datos sen a intervención do microprocesador. Deste xeito, as transferencias de información non consumen tempo de microprocesador.
