Georgia O'Keeffe
Na Galipedia, a wikipedia en galego.
Georgia O'Keeffe (Sun Prairie, Wisconsin, 15 de novembro de 1887 – Santa Fe, Novo México, 6 de marzo de 1986), célebre pintora estadounidense.
[editar] Biografía
Georgia O'Keeffe naceu nunha familia de agricultores. Logo dos primeiros estudos en Wisconsin, no 1905 pasou a estudar a Chicago e en 1907 a New York.
No 1908 asiste na galería de New York do seu futuro marido, o fotógrafo Alfred Stieglitz, a unha mostra de acuarelas de Rodin que a impresionaron profundamente.
Nestes anos Stieglitz organizou diversas mostras de O'Keeffe, introducíndoa nos ambientes da avangarda neoyorkina, nos que se moven moitos modernistas americanos amigos de Stieglitz, como Charles Demuth, Arthur Garfield Dove, Marsden Hartley, John Marin, Paul Strand e Edward Steichen.
As súas creacións dos anos 1910 están caracterizadas por un abstractismo lírico, creado con harmoniosas liñas, figuras e cores; estas obras, principalmente series de ilustracións a carbonciño e acuarela, figuran entre as máis innovadoras de toda a arte estadounidense producida no período.
Na década dos anos 1920 abandonou a técnica da acuarela para realizar pinturas ao óleo de grande formato con formas naturalísticas e arquitectónicas inspiradas nos edificios de New York en primeiro plano, come vistas através dunha lente agrandadora.
Estas obras contribuíron ao seu éxito, tanto que, a mediados dos anos 20, era considerda unha das artistas máis importantes de América.
No 1924 O'Keeffe e Stieglitz casaron.
A partir do 1929 pasou en Novo México varios meses do ano, pintando algunha das súas creacións máis famosas nas que sintetiza a abstracción con representación de flores e paisaxes típicas da zona, nomeadamente outeiros desérticos cheos de rochas, cunchas e osos de animais. Os contornos son áperos, co subtís transicións tonais de cores, que varían ata transformar o asunto en potentes imaxes abtractas, as veces transfiguradas en sentido erótico. Nos anos 30 e 40, O'Keeffe recibíu inúmeros encargos e, á vez, louvores de moitas universidades.
En 1946 faleceu o seu marido. No 1949 O'Keeffe trasládase permanentemente a Novo México.
Durante os anos 50 produce unha serie de pinturas con formas arquitectónicas inspirdas na súa casa de Novo México e una vasta serie de pinturas de nubes come vistas desde fiestriñas dun aeroplano.
A partir do comezo dos anos 70, unha doenza da vista contrenxíuna a diminuír o seu traballo.
Faleceu en 1986 a idade de 98 anos.
