Microsoft Office
Na Galipedia, a wikipedia en galego.
Microsoft Office é unha suite ofimática desenvolta pola empresa Microsoft e que conta con versións para os sistemas operativos Windows e Mac OS.
Os tres programas 'centrais' ou básicos en toda versión desta suite son Microsoft Word, Microsoft Excel e Microsoft Powerpoint; procesador de texto, folla de cálculo e ferramenta de presentacións, respectivamente. As versións para Windows inclúen tamén o programa de xestión de bases de datos Microsoft Access e o xestor de correo electrónico Microsoft Outlook. Outros programas poden aparecer dependendo da versión de Office escollida.
O seu éxito nos Macintosh foi case inmediato, non así nos PC, nos cales as alternativas como WordPerfect tiñan a meirande parte da cuota de mercado. A versión 95, e sobre todo a 97 suporán o dominio do mercado por parte de Microsoft.
Actualmente, alternativas de balde e libres como OpenOffice.org comezan a abrirse paso pouco a pouco, pero sen ameazar de momento a posición de monopolio de facto coa que conta a compañía estadounidense neste sector.
As últimas versións son Office 2003 para Windows e Office 2004 para Macintosh. Precisamente Microsoft, tras un convenio coa Xunta, presentou no ano 2004 a tradución ó galego da versión Windows.
A familia Microsoft Office está formada por:
- Microsoft Word - procesador de textos.
- Microsoft Excel - folla de cálculo.
- Microsoft Powerpoint - programa de presentacións.
- Microsoft Access - base de datos.
- Microsoft Outlook - axenda e programa de correo electrónico.
- Microsoft Frontpage - programa para desenvolver ciberpáxinas de forma visual.
- Microsoft Photo Editor - sinxelo programa para a edición de imaxes.
- Microsoft Publisher - programa de autoedición.
- Microsoft InfoPath - programa para crear formularios en XML.
- Microsoft OneNote - programa para facer apuntamentos.
- Microsoft Project - xestor de proxectos.
- Microsoft Visio - programa para crear fluxogramas.
[editar] Ver tamén
[editar] Ligazóns externas
- Microsoft Office Online - Páxina oficial de Microsoft Office (en castelán).
- Paquete de interface en Galego para Office 2003 - Tradución ó galego de Microsoft Office 2003.
