Ostedijk
Na Galipedia, a wikipedia en galego.
O Ostedijk (pronunciado ostedèic) é un cargueiro neerlandés que, cunha carga de 6.000 toneladas de fertilizantes NPK 15-15-15-C, quedou sen combustíbel e comezou a expulsar gases irritantes fronte ás costas septentrionais de Galiza, en febreiro de 2007. Os gases producíronse por un quentamento impropio da carga, como consecuencia do uso de combustíbeis non axeitados.
O buque cubría unha rota entre Porsgrunn (Noruega) e Valencia (España).
[editar] Cronoloxía
- O 17 de febreiro, ás 2:30 am, o buque realiza unha chamada de auxilio a unhas 50 millas ao norte da Coruña.
- O buque é remolcado, subsánanse os problemas e ás 22:30 recibe a autorización para continuar cara a Valencia coa escolta do remolcador Don Inda.
- O 18 de febreiro o cargueiro volve ter problemas, e lanza unha chamada de auxilio ás 11:30, a unhas 34 millas ao noroeste de Cabo Vilán.
- Catro tripulantes de nacionalidade filipina foron evacuados como consecuencia da inhalación continuada deses gases.
- Un remolcador lévao en paralelo á costa en dirección oeste, ata situalo a unhas 14 millas ao norte de Viveiro.
- As autoridades españolas deciden arrefriar a carga de fertilizantes e trafegala para outro buque, se ben non se decide nun primeiro momento se esas operacións se realizarán en porto (Viveiro) ou en alta mar. Finalmente a decisión do Ministerio de Fomento español é a de realizar esas operacións en alta mar, a unhas 13 millas ao leste de Estaca de Bares.
- O 23 de febreiro as autoridades consideran que a carga xa está abondo arrefriada. Revisan o buque e entenden que a súa estrutura non etsá danada e que pode continuar viaxe nuns días.
- O 28 de febreiro sae de augas galegas, pero ante a imposibilidade de continuar rota cara a Valencia, decidiu ir a Bilbo para descargar a mercadoría.
