Carnivoro

De Wikipedia, le encyclopedia libere

Carnivoros, in le senso taxonomic, es mammales del ordine Carnivora. Illos es distinguite per un dentition que los permitte de chassar e mangiar altere animales.

In le senso plus large, un carnivoro es qualcunque animal que mangia carne. In facto, qualque species in le ordine Carnivora, per exemplo le panda gigante (Ailuropoda melanoleuca), mangia quasi nulle carne.

Usque recentemente, zoologistas placiava phocas e morsas in un altere ordine, Pinnipedia (le pinnipedes). Nunc on considera Pinnipedia un gruppo paraphyletic (i.e. non un ver clado) e le familias de pinnipedes es placiate in le subordine Caniformia de Carnivora.

Le ordine Carnivora contine 15 familias in duo subordines:

subordine Feliformia (feliformes)

familia Felidae — cattos, leones, etc.

familia Viverridae - civettas, genettas, etc.

familia Eupleridae - carnivoros de Madagascar

familia Nandiniidae - un specie, Nandinia binotata

familia Herpestidae - mangustas, etc.

familia Hyaenidae - hyenas e proteles

subordine Caniformia (caniformes)

familia Canidae - canes, lupos, vulpes, etc.

familia Odobenidae - morsas

familia Phocidae - phocas sin aures

familia Mustelidae - mustelas, putorios, taxones, lutras, etc.

familia Ursidae - ursos e le panda gigante

familia Otariidae - otarias (leones de mar)

familia Mephitidae - moffettas

familia Procyonidae - procyones, etc.

familia Ailuridae - un specie: le panda minor, Ailurus fulgens