Frankofonio
From Wikipedia
Frankofonio (France la Francophonie), termino inventita en 1880 da Franciana geografiisto Onésime Reclus por referar la komuneso di homi e landi qui uzas la Franciana, es internaciona organizuro di Franciana-parolanta landi e guvernerii. 50 stati and guvernerii es membri dil organizuro and 6 altri (Belgia, Lituania, Polonia, Chekia, Slovakia e Slovenia) es invitita observeri dil Kongresi. Franciana es adminime minoritato-linguo en omna sua membro-stati, ed es fakte l'unika majoritato-linguo di nur poka.
Multa membro-stati havas mala historio pri protekto di homala yuri e praktiko di demokratio. Propozita demarsho punisar tala landi debatesis dufoye, ma ne aprobesis.
La moderna Frankofonio kreesis en 1970. Lua moto es égalité, complémentarité, solidarité (egaleso, komplementaleso, e solidareso). Komencinta kom mikra klubo di Nordana France-parolanta landi, ol depose evolucionis aden importanta internaciona organizuro kun multa branchi qui kooperas kun la membro-stati en la feldi di kulturo, cienco, ekonomio, judicio e paco.
Hodie La Frankofonio es importanta forumo por diskuti pri mondvasta kultural e linguala diverseso. Kun altra internaciona organizuri quale UNESCO, La Frankofonio koncernas la evoluciono di lingual e kulturala diverseso dum epoko di globalesko di komerco. Ol laboras kun altra equivalant organizuri en la hispanophonie e lusophonie (videz Latina Uniono).
