Ígulker
Úr Wikipediu, frjálsa alfræðiritinu
 |
|||||||
|---|---|---|---|---|---|---|---|
 Ígulker
|
|||||||
| Vísindaleg flokkun | |||||||
|
|||||||
|
|
Ígulker (fræðiheiti: Echinoidea) eru flokkur sjávarlífvera með harðar samvaxnar plötur alsettar broddum. Þau eru skrápdýr eins og krossfiskar og sæbjúgu og eru fimmgeislótt eins og önnur skrápdýr og hafa hundruð lítilla blaðkna sem þau nota til að hreyfa sig. Broddar ígulkerja eru vanalega 1-2 sm á lengd og 1-2 mm þykkir og ekki mjög beittir. Algengir litir ígulkerja eru svartir og grænir tónar, ólívugrænir, brúnir, fjólubláir og rauðir.Skel þeirra er kúlulaga alsett broddum. Skel fullorðinna dýra er venjulega 3 til 10 sm í þvermál.
Ígulker eru algeng í öllum heimshöfum. Algengustu tegundir ígulkerja á grunnsævi við Ísland eru kollakoppur (Strongylocentrotus droebachiensis, e. green sea urchin) og marígull (Echinus esculentus, e. common sea urchin).
Aðalfæða ígulkerja er þörungar. Við vissar aðstæður t.d. þegar dýrum sem lifa á ígulkerjum fækkar þá geta ígulker fjölgað sér mikið og raskað vistkerfi sjávar með því að útrýma öðrum lífverum á sjávarbotninum.
Kynfæri ígulkerja eru étin hrá eða soðin.
[breyta] Heimildir
- Greinin „Sea urchin“ á ensku útgáfu Wikipedia. Sótt 26. júlí 2006.
- Vísindavefurinn: „Hvað er skollakoppur?“
