Mannakorn

Úr Wikipediu, frjálsa alfræðiritinu

Mannakorn er íslensk popphljómsveit, sem gaf út sína fyrstu plötu 1975. Orðið Mannakorn kemur úr biblíunni og þýðir brauð af himnum eða orð guðs. Kjölfesta hljómsveitarinnar þá voru þeir: Magnús Eiríksson, aðal laga- og textahöfundur, sem lék á ýmsar gerðir gítara og söng. Pálmi Gunnarsson, bassleikari og aðalsöngvari. Baldur Már Arngrímsson, gítar, slagverk og söngur. Björn Björnsson, trommur og söngur. Auk þeirra var Vilhjálmur Vilhjálmsson gestasöngvari á plötunni ásamt Úlfari Sigmarssyni á píanó. Á fyrstu plötunni voru 12 lög og textar, flest/ir eftir Magnús nema Lilla Jóns sem er eftir Ray Sharp og Jón Sigurðsson og svo texti við Hudson Bay eftir Stein Steinarr.

[breyta] Fortíð

Magnús; átti sterka hefð í blúsnum en hann spilaði nokkuð reglulega ásamt hljómsveit sinni Blues Company á blúskvöldum sem haldin voru á skemmtistaðnum Klúbbnum kringum 1970. Einnig lék hann um skeið með hljómsveitunum Pónik og Lísu. Pálmi; sem er fæddur 29. september 1950 hefur verið einn af máttarstólpum íslenskrar popp menningar síðustu 30 árin og komið víða við enda afbragðssöngvari og bassaleikari. Meðal hljómsveita sem hann hefur leikið með má nefna: Blues Company, Foxes, Hljómsveit Magnúsar Ingimarssonar, Islandicu, Lísu, Tríó Guðmundar Ingólfssonar, Brunaliðið, Friðryk og Park Project. Baldur Már; er af Welding ættinni fæddur 3. Nóvember 1943. Hann lék meðal annars með hljómsveitinni Ludo og var einnig einn af félögunum í Lísu. Björn; sem er sonur hins fræga trombónleikara Björns R. Einarssonar hafði áður lamið húðirnar hjá Pónik, Ludo og Lísu.

[breyta] Plöturnar

Önnur platan Gegnum Tíðina kom út 1977 og geymdi tíu lög og texta eftir Magnús nema textann við Ræfilskvæði sem er eftir Stein Steinarr. Platan þótti marka tímamót í mörgum skilningi en með henni sannaði Magnús sig sem einn fremsta laga og textahöfund landsins. Platan þótti þjóðleg þótt hún væri poppuð og grípandi og umslagið vakti eftirtekt. Platan geymir meðal annars lagið Braggablús sem löngu er orðið sígilt.

Braggablús. Texti og lag eftir Magnús Eiríksson.

Ein í bragga, Magga, gægist út um gluggann,

bráðum sér hún Skuggabaldur skunda hjá.

Enn einn túrinn, stúrinn, olíu á skúrinn

er erfitt nema fyrir fjandans aur að fá.

Í vetur, betur gekk henni að galdra

til sín glaða og kalda karla sem oft gáfu aur.

En Magga í sagga, situr ein í bragga

á ekki fyrir olíu er alveg staur.

Fyrst kom bretinn, rjóður, yndislega góður

þá bjó hún Magga á Borginni í bleikum kjól.

Svo kom kaninn, þaninn, kommúnistabaninn

þá kættist Magga ofsalega og hélt sín jól.

Svo færðist aldur yfir eins og galdur

og ávallt verra og verra var í karl að ná.

Nú er Magga stúrin því olíu á skúrinn

er erfitt nema fyrir fjandans aur að fá.

Ein í bragga Magga, gægist út um gluggann

bráðum sér hún Skuggabaldur skunda hjá.

Enn einn túrinn, stúrin, olíu á skúrinn

er erfitt nema fyrir fjandans aur að fá.

Í vetur betur gekk henni að galdra

til sín glaða og kalda karla sem oft gáfu aur.

En Magga í sagga situr ein í bragga

á ekki fyrir olíu er alveg staur.

Hljómsveitin Mannakorn mun hafa til þessa gefið út um ellefu plötur að talið er en síðasta eiginlega Mannakorns platan með frumkvöðlunum kom út 1979 og nefndist – „Brottför kl. 8“ og var hún sú þriðja í röðinni. Seinni plötur eins og „Í ljúfum leik“, 1985, „Mannakorn 5“ árið 1985 og „Mannakorn 6“ sem kom út 1990 eru skipaðar ólíkum tónlistarmönnum en þeir Magnús og Pálmi mynda enn kjölfestuna.