Pródíkos
Úr Wikipediu, frjálsa alfræðiritinu
Pródíkos frá Keos (forngríska: Πρόδικος, fæddur 465 eða 450 f.Kr.) var forngrískur heimspekingur og fræðari, þekktur sem „undanfari Sókratesar“. Hann var enn á lífi árið 399 f.Kr.
Pródíkos kom til Aþenu í sendinefdn frá Keos og varð þekktur sem mælskumaður og kennari. Líkt og Prótagóras hélt hann því fram að hann undirbyggi nemendur sína fyrir þátttöku í opinberu lífi og kenndi þeim að vera dygðugir. Prótagóras lagði þó einkum áherslu á mælskufræði en Pródíkos á siðfræði og málfræði. Pródíkos taldi mikilvægt að vera nákvæmur í orðavali og gerir Platon góðlátlegt grín að Pródíkosi af þeim sökum, m.a. í samræðunni Prótagórasi
Pródíkos hafði kenningu um uppruna trúarbragða. Hann hélt að fyrst dýrkuðu menn náttúruöfl, einkum þau sem gögnuðust fólki, og persónugerðu þau. Þá hafi menn tekið að dýrka aðra menn sem gerðu samfélagi sínu gott.
Rit Pródíkosar eru ekki varðveitt en titlar nokkurra verka eru kunnir, m.a. Um náttúruna og Um manneðlið, Um einkenni tungumálsins.
Þeramenes, Evripídes og Ísókrates eru sagðir hafa verið nemendur Pródíkosar.
[breyta] Heimild
- Greinin „Prodicus“ á ensku útgáfu Wikipedia. Sótt 12. janúar 2007.
| Forverar Sókratesar |
|
Míletosmenn : Þales · Anaxímandros · Anaxímenes Pýþagóringar : Pýþagóras · Alkmajon frá Króton · Fílolás · Arkýtas Efesosmenn : Herakleitos — Eleumenn : Xenofanes · Parmenídes · Zenon frá Eleu · Melissos Fjölhyggjan : Anaxagóras · Empedókles — Eindahyggjan : Levkippos · Demókrítos Fræðarar : Prótagóras · Pródíkos · Hippías · Krítías · Þrasýmakkos Díogenes frá Apolloníu |
