ნასრა

ვიკიპედიიდან

ნასრა († 888), ტაო-კლარჯეთის ბაგრატიონთა წარმონადგენელი IX საუკუნის 70-80-იან წლებში, გვარამ (გუარამ) მამფალის ძე. აფხაზთა მეფესთან ერთად იბრძოდა შიდა ქართლის დასაპყრობად, სომეთა მეფისა და მისი მოკავშირის დავით I კურაპალატის წინააღმდეგ. 881 ნასრამ ვერაგულად მოკლა დავით კურაპალატი, რის გამოც ის სამშობლოდან განდევნეს. ნასრა 7 წელი ბიზანტიაში ცხოვრობდა.

როცა დასავლეთ საქართველოში ბაგრატ დემეტრეს ძე გამეფდა, მან ნასრა (რომელიც მისი ცოლისძმა იყო) ბიზანტიიდან წამოიყვანა და დიდი ლაშქარი მიაშველა ტაო-კლარჯეთის სხვა მფლობელების წინააღმდეგ. ნასრამ შეძლო ოძრხის, ჯუარისციხისა და ლომსიანთას ციხეების აღება, მაგრამ შემდეგ დამარცხდა ადარნასესა (დავით კურაპალატის ძე) და მის მოკავშირეებთან ბრძოლაში. ნასრა მოკლეს ასპინძასთან, მისი მემკვიდრეობა გამარჯვებულებმა გაინაწილეს.

Retrieved from "http://ka.wikipedia.org../../../%E1%83%9C/%E1%83%90/%E1%83%A1/%E1%83%9C%E1%83%90%E1%83%A1%E1%83%A0%E1%83%90.html"

კატეგორიები: ქართველები | ტაო-კლარჯეთის ბაგრატიონთა შტოს წარმონადგენელები | გარდაცვლილი 888

ნასრა

ვიკიპედიიდან

Views

ნავიგაცია

ძიება

სხვა ენებზე