ჩოლოყაშვილი, გარსევან
ვიკიპედიიდან
გარსევან ჩოლოყაშვილი, XVI საუკუნის ქართველი პოეტი და სახელმწიფო მოღვაწე, სახლთუხუცესი. დიდი გავლენით სარგებლობდა ლევან კახთა მეფის (1520 - 1574) კარზე. არჩილ II-ის ცნობით, ჩოლოყაშვილს ეკუთვნის "ხილთა ქება" და სატრფიალო ლექსები. იოანე ბაგრატიონი მას "ნარგიზიანი წიგნის" გამლექსავად მიიჩნევდა. "ნარგიზოვანს" ჩოლოყაშვილს მიაკუთვნებდა კ. კეკელიძეც, მაგრამ ა. ბარამიძემ დაასაბუთა, რომ კრებული დაწერილია XVIII საუკუნის შუა წლების შემდეგ. ჩოლოყაშვილის პოეტური მომკვიდრეობიდან ჩვენამდე მოღწეულია მხოლოდ "ზილთა ქება". ზოგი მკვლევარი ჩოლოყაშვილს XVII საუკუნის მოღვაწედ მიიჩნევს.
