Diminutiv

Us de Wikipedia

Hee die Sigg es op Kölsch
(mih kölsche Sigge)
un jeschrevve wie beim Wrede oder bei der Akademie för uns kölsche Sproch
(mih Sigge jeschrevve wie beim Wrede oder bei der Akademie för uns kölsche Sproch)

Em Huhdeutsche kenne mer zwei Diminutive (Verkleinerungsformen): -chen un -lein. Dat -lein jit et em Kölsche nit. Doför ha'mer zwei andere Suffixe. Müjjelich sin: -che, -je un -elche. Diminutive wääde off jebruch, wa'mer Sympathie usdröcke well.

Enhaldsüvversich

1 Aat un Oot vum Auslaut
2 Rejele för de Suffixe
3 usserdäm - durch Velarisierung zostand jekumme
- 3.1 .che
- 3.2 .je

[Ändere] Aat un Oot vum Auslaut

Wat för en Endung jenomme weed, hängk dovun av, wat för ene Auslaut dat Grundwort hät. Bei däm Auslaut weed ungerscheede zwesche dä Aat un däm Oot:

Aat
- Plosive (wo dä Speimanes em Hännesje-Thiater aan ze stottere fängk)
  - (stimmlose Verschlusslaute)
  - (stimmhafte Verschlusslaute)
- Frikative
  - (stimmlose Reibelaute)
  - (stimmhafte Reibelaute)
- Nasale
- Liquida

Oot
- Labiale (Lippenlaute)
- Dentale (Zahnlaute)
- Velare / Gutturale (Mundraumlaute)

[Ändere] Rejele för de Suffixe

[Ändere] -che

noh stimmlose Plosive, die Labiale sin: p - Beispill: Dörpche
noh stimmhafte Plosive, die Labiale sin: b - Beispill: Frembche
noh stimmlose Plosive, die Dentale sin: t - Beispill: Hötche
noh stimmhafte Plosive, die Dentale sin: d - Beispill: Pädche
noh Nasale, die Labiale sin: m - Beispill: Fäddemche
noh Nasale, die Dentale sin: n - Beispill: Höhnche
noh Liquida, die Dentale sin: l - Beispill: Knöllche
noh Liquida, die Gutturale sin: r - Beispill: Malörche
noh Vokale - Beispill: Marieche

[Ändere] -je

noh stimmlose Frikative, die Labiale sin: f - Beispill: Höffje
noh stimmhafte Frikative, die Labiale sin: v - Beispill: Kälvje
noh stimmlose Frikative, die Dentale sin: z - Beispill: Bützje
noh stimmhafte Frikative, die Dentale sin: s - Beispill: Müsje

[Ändere] -elche

noh stimmlose Plosive, die Gutturale sin: k - Beispill: Pünkelche
noh stimmhafte Plosive, die Gutturale sin: g - Beispill: Röggelche
noh stimmlose Frikative, die Gutturale sin: sch - Beispill: Jröschelche
noh stimmhafte Frikative, die Gutturale sin: ch - Beispill: Bäächelche
noh Nasale, die Gutturale sin: ng - Beispill: Jüngelche

[Ändere] usserdäm - durch Velarisierung zostand jekumme

Velarisierung bedügg, dat Konsonante wie /r/, /l/ udder /n/ hingen em Raache un am Jaume attekuleet wääde. Bei de rheinische Velarisierung wääde Vokale jesängk. Zom Beispill: us /u/ weed /o/ ("Wurst" > "Woosch"). Un noch e Beispill för Konsonante: us /t/ weed /k/ ("Kraut" > "Kruck"). Em Zesammehang met de Velarisierung sprich mer och vum sekundäre k, ng un sch.