Mihemed Şêxo
Ji Wîkîpediya
Mihemed Şêxo hunermendekî kurd e.
Di sala 1948 bajarê Qamişlo li gundê Gîrbanîn hate dinê. Navê wî Mihemed Salih Şêxmûs e. Zaroktîya wî da malbata wî koçber dibe û diçe li gundê Xecokê cîh dibe. Li vir mirêbetîyê dike. Şêxo mezinê yanzdeh bira ye. Sala 1959 da dest bi xwendinê dike, lê sê sal şunda dest ji mektebê ber dide. Salên xweyê mektebe da Mihemed Şêxo gelek hunermendên kurd nas dike. Ji tesîra wan nêzikî muzîkê dibe û sala 1969’ê da dest bi dengbêjîtîyê dike. 1970’ê da diçe Libnanê, li Bêrûdê duh sal dersên muzîkê digre. Sala 1972’an da bi hinek hevalên xwe ra bi navê “Serkeftin” komek muzîkê saz dike.
Piştra vedigere Iraqê û di radyoya Bexda ê da dixebite. Paşê diçe Şamê, li wir kaseta xwe ya bi navê Ay Gewrê derdixe. Lê li wir dewleta Suriyê rihat nade Mihemed Şêxo. Gelek caran tê binçavkirin. Ser wê yekê carek din berê xwe da Iraqê û di nav refên pêşmergeyan da cîhê xwe digre. Bi wan ra derbasî Îranê dibe. Li Îran xêncî karê xweyê muzikê çend sala mamostetîyê jî dike.
Zemanek şunda rejima Îran jî Şêxo wek muhalifê rejimê dihesibîne û derheqê wî da biryara binçavkirinê digre. Sedem wê yekê Mihemed Şêxo piştî 11 salan şunda carek din berê xwe dide Suriyê.
Li wir hurmetek mezin dibîne. Dewleta Suriyê ji têkilîya Mihemed Şêxo û gellê Kurd aciz dibe û wî digrê davê hapisê.
Lê ev biryar jî dengê Şêxo nade birîn. Ew kilamên xwêyê herî baş li haps û zindanan da dibêje û di kilam û stranên xwe da derd û kulên gelê xwe û daxwaz û bawerîyên wan bi hunermendîyek bilind tîne ziman.
Deng û avazên wî, klam û stranên wî jîyana gelê kurd dewlemend kir. Bi tesîra vê rumetîye Mihemed Şêxo 14 kasêt çekir. Ew kasêtên wî hemû parçeyên Kurdistanê da hat belavkirin. Mihemed Şêxo, 9'ê adarê 1989an da çû ser heqîya xwe. Li Qamişlo ser destê 70’ê hezar kesî da dest bi rêwîtîya xwe ya dawî kir.
Ew bi bedena xwe ji gelê xwe qetîya, lê kilam û stranên wî, deng û awazên wî bi gelê wî ra îro jî dijî û tu car nayên ji bîrkirin.
Çavkanî:Malpera NAVKURD(http://www.navkurd.de)
