17 Marti 1861
E Vicipaedia
[recensere] Italiae unificationis dies
Marti die XVII anno MDCCCLXI Italiae Regnum aperte declaratum est, aetate qua Itali se in libertatem vendicaverunt.
Hoc tempus dicitur Italice Risorgimento, quod Latine fortasse Resurgementum significat, sed Vindicatio melius vocari potest, quia populi Vindicatio in libertatem erat.
[recensere] Italiae unificationis aetas
Anno 1815 post Vindobonae conventum, Italia in novem fines dividebatur, sed patriae amantes coniunctam nationem exoptabant; Sardiniae regnum magnum erat, quia etiam Pedemontium, Liguriam, Augustae Praetoriae Vallem, Nicaeam et Sapaudiam comprehendebat: bella ad repetendam libertatem gessit.
Multi tumultus facti sunt: annis 1820 et 1821 Defectiones pro libertate in urbe Neapoli, Sicilia, Liguria ac Pedemontio, postea annis 1830 et 1831 Defectiones pro libertate in Media Italia fuerunt.
Anno 1848 Sardi Primo Bello pro Libertate Recuperanda Austria victi sunt.
Anno 1859 Sardi cum Francogallis contra Austriam Secundo Bello pro Libertate Recuperanda Langobardiam ceperunt.
Anno 1860 universi populi sufragiis, mense Martio Emilia et Tuscia Sardiniae adiunctae sunt, sed mense Aprili Nicaea et Sapaudia Francogalliae additae sunt. Sardi mense Octobri Siciliam et Neapolitanas Provincias ac mense Novembri Picenum et Umbriam Mille Hominium Expeditione et universi populi sufragiis incluserunt.
Anno 1861 Senatus mense Febrario et Delegatorum Consilium mense Martio Sardiniae Regem Italiae Regem renuntiaverunt.
Anno 1866 Italia cum Borussia Tertio Bello pro Libertate Recuperanda Austriam vicit, ergo Venetiae Provinciae et Mantua universi populi sufragio Italiae se coniunxerunt.
Anno 1870 Italia Papam superavit: Roma et Romanae Provinciae universi populi sufragio Italica regio factae sunt (extrema Vindicationis aetate).
Post Primum Totius Orbis Terrarum Bellum, anno 1919 Tridentina regio et Alta Athesia (vel Raetia Australis) atque annis 1919 et 1920 Venetia Iulia Italiae addita sunt.
Post Secundum Totius Orbis Terrarum Bellum, Histria et Iadera postremo Meridiana Slava territoria factae sunt.
Haec pagina nexus intervicos requirat. Adde, si sint, et si possis. Vide Vicipaedia:Nexus desiderati et {{Nexus desiderati}}.
