Computerspill
Vu Wikipedia, der fräier Enzyklopedie.
 |
Dësen Informatiksartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
E Computerspill ass eng nei Zort vu Spiller, déi an den 1950er enstan sinn, a sech lues a lues géint déi klassesch Form vu Spiller (Kaartespiller, Brietspiller...) duerchgesat hunn. Zu deenen éischte Computerspiller zielen OXO (1952), Tennis for Two (1958), Spacewar (1962) oder Pong (1972).
Hei zu Lëtzebuerg haten d'Computerspiller virun allem bei deene jonke Leit immens vill Succès. Spillkonsole wéi déi vun Atari (an den 1970er), mä besonnesch déi éischt Heemcomputere wéi de Commodore64 an dono den Amiga 500 (an den 1980er a fréien 1990er) hu vill zur Verbreedung vun der Computerspillkultur zu Lëtzebuerg bäigedroen. Mat den ëmmer méi staarke PCe goufen d'Computerspiller och ëmmer méi sophistikéiert an et hu sech esou och mat der Zäit Fan-Gruppe vu verschiddene Spiller forméiert, déi sech op LAN-Partyen treffen, fir do géintenaner unzetrieden. Uganks 2000 sinn déi éischt LAN-Partyen hei zu Lëtzebuerg organiséiert ginn, déi an der Tëschenzäit ëmmer méi grouss a populär ginn.
Trotz dem grousse Succès vun de Computerspiller goufe sou gutt wéi keng Computerspiller vu Lëtzebuerger selwer entwéckelt. Dacks huet et um techneschen Know-How gefeelt, oder un de finanzielle Méiglechkeete fir Computerspill-Iddien ze kommerzialiséieren. Duerch den Internet a virun allem mat der Macromedia Flash Technologie gouf et ëmmer méi einfach, kleng Computerspiller gratis an den Internet ze setzen.
2002 huet de Jérôme Lulling esou säi Computerspill Comboling am Internet lancéiert, dat op enger ganz einfacher, awer origineller Iddi opgebaut ass, nämlech Quadrate mateneen ze verbannen.
[Änneren] Um Spaweck
- Comboling éischt lëtzebuerger Computerspill (2002-2005)
- Comboling Rezensioun Jay Bibby - Rochester, NY - USA (2005)
- Okay.lu Forum Lan-Partyen zu Lëtzebuerg? (2001)
