Georg Phillips Bond
Vu Wikipedia, der fräier Enzyklopedie.
De George Phillips Bond ass gebuer den 20. Mee 1825 zu Dorchester/Massachusetts a gestuerwen den 17. Februar 1865 zu Cambridge/Massachusetts. Hie war en US-amerikaneschen Astronom an de Jong vum Astronom William Cranch Bond.
Vun 1859 bis zu sengem Doud am Joer 1865 war hien de Nofolger vu sengem Papp, den Direkter vum Harvard College Observatoire. Sai Cousin, den Edward Singleton Holden war den éischten Direkter vum Lick-Observatoire.
Am Joer 1848 gehéiert hie zu den Entdecker vum Saturnmound Hyperion. Dem Bond, sai Papp William Cranch Bond an de Fotograf vum Massachusetts General Hospital, den John Adams Whipple hunn 1850 déi éischt fotografesch Foto vun engem Stär gemaach. An der Nuecht vum 16. op den 17. Juli 1850 hunn si eng 100 Sekonnen-Daguerre-Foto vum Stär Vega opgeholl. Ausserdeem huet de Bond och e ganze Koup vu Koméiten entdeckt an huet och deenen hir Bunnen berechent. Weider Fuerschungen huet hien um Planéit Saturn an um Orionnebel gemaach.
Am Joer 1865 ass hie mat enger Goldmedail vun der Royal Astronomical Society ausgezeechent ginn.
Gestuerwen ass hie un de Folgen vun enger Tuberkulose.
[Änneren] Literatur
- Zone catalogue of 4484 stars situated between 0 deg 20' and 0 deg 40' north declination observed during the years 1854-55. Annals of Harvard College Observatory 2 (1857) 2-2257
- Photographical Experiments on the Positions of Stars. Monthly Notices of the Royal Astronomical Society 17 (1857) 230.
- Observations of Comets and Planets made at the Observatory of Harward College Cambridge U. S. Astronomische Nachrichten 51 (1859) 273.
- On the relative brightness of the sun and moon, 1861.
- On the Spiral Structure of the Great Nebula of Orion. Monthly Notices of the Royal Astronomical Society 21 (1861) 203-207.
- Observations upon the Great Nebula of Orion. Annals of the Harvard College Observatory 5 (1867) 1-22.
