Luxemburger Lexikon
Vu Wikipedia, der fräier Enzyklopedie.
De Luxemburger Lexikon ass deen éischten allgemenge Lexikon, dee bis elo zu Lëtzebuerg erauskoum.
De Luxemburger Lexikon, an engem Band, ass op Däitsch, huet 480 Säiten, ass de 14. Oktober 2006 an enger 1. Oplo vun 20.000 bei den Editions Guy Binsfeld erauskomm. D'Buch huet am Ganzen eppes 2.500 Illustratiounen, wobäi déi meescht um Bord vun de Säite sinn, an eng Gréisst hu vun 20 x 26 Millimeter. De Verlag schreift vun "ongeféier" 10.000 Lemmata.
Zesummegestallt gouf de Lexikon vum Georges Hausemer. Eng "frëndlech Ënnerstëtzung" vun P&T Luxembourg, dem Fonds Culturel National, dem Kulturministär, dem Cactus, der Revue (Zäitschrëft) an RTL huet d'Editioun erméiglecht.
Nieft kuerzen Artikelen sinn am Lexikon 30 Tableauen ze fannen, déi Themaë behandele wéi Kollaboration im Zweiten Weltkrieg (2 Säiten) , Luxemburger Basketball mat enger Lëscht vun de Landesmeeschteren op dräi Säiten oder Das luxemburgische Theater (dräi illustréiert Säiten). De lëtzebuergesche Film huet zwou Säiten, eng mat Text an eng mat Fotoen. Den Titel Kirche und Religion in Luxemburg (2 S.), an der Eenzuel, weist d'Limiten, déi engem Noschlowierk an engem Band gesat sinn.
Déi lëtzebuergesch Wikipedia, déi et schonns zwee Joer gëtt, ass an der éischter Oplo vun 2006 net ze fannen.
